Կարէն Օհանջը ներկայացուց իր նոր՝ «Ղարաբաղ 1988» գիրքը

Փիլիսոփայական գիտութիւններու դոկտոր, պրոֆեսոր, շարք մը միջազգային գիտութիւններու ակադեմիաներու անդամ, ԼՂՀ ԱԺ նախկին պատգամաւոր Կարէն Օհանջն (Օհանջանեան) իր «Ղարաբաղ 1988» գիրքը ներկայացուց ընթերցողին: Գիրքի շնորհանդէսը կայացաւ Հայաստանի մէջ Լեռնային Ղարաբաղի Հանրապետութեան ներկայացուցչութենէն ներս:

Շնորհանդէսին ներկայ հիւրերը յատուկ նշեցին այս գիրքի կարեւորութիւնը՝ ներկայ եւ ապագայ սերունդներու համար:

Գիրքով կը նկարագրուին ութսունականներու վերջին իրադարձութիւնները, որոնք առաւել յայտնի էին որպէս «Ղարաբաղեան շարժում»: Այս գիրքն այն սերունդին մասին է, որ ամեն գինով պայքարեր է իրմէ յետոյ եկողներուն ազատութիւն եւ արժանավայել կեանք փոխանցելու եւ անոնց առջեւ պարզ ճակատով ներկայանալու համար:

Նշենք, որ Կարէն Օհանջանեանն Արցախեան շարժման գործուն մասնակից եղած է, եւ այդ ժամանակէն ալ կը ստեղծագործէ: 2000 թ.-ին դոկտորական թեզ պաշտպաներ է քաղաքականգիտութիւններու եւ մշակոյթի միջազգային ակադեմիայէն ներս (Բրիւսել, Բելճիկա, փ.գ.դ.): Աւելի քան 100 միջազգային կազմակերպութիւններու անդամ է, բազմաթիւ յօդուածներու եւ գիրքերու հեղինակ: Ստացեր է Խաղաղութեան միջեկեղեցական խորհուրդի միջազգային մրցանակ, Միջազգային յարաբերութիւններու ինստիտուտի պարգեւ (Բրիւսել, Բելճիկա)՝ մարդկութեան հանդէպ իր բացառիկ ձեռքբերումներուն համար:

Ղեկավարեր է բազմաթիւ միջազգային նախագիծեր՝ ուղղուած Ղարաբաղեան հիմնախնդիրի խաղաղ կարգաւորման:

Input your search keywords and press Enter.