Հայաստանի եւ Արցախի նախագահները մասնակցեր են Արցախեան գոյամարտին զոհուած մաղավուզցիներու յիշատակը յաւերժացնող յուշարձանի բացման

Աշխատանքային այցով Արցախի Հանրապետութիւն ժամանած Հայաստանի նախագահ Արմէն Սարգսեանը Արցախի նախագահ Բակօ Սահակեանի եւ Արցախի թեմի առաջնորդ Պարգեւ արքեպիսկոպոս Մարտիրոսեանի հետ Մարտակերտի շրջանի Մաղավուզ գիւղին մէջ մասնակցեր է Արցախեան գոյամարտին իրենց կեանքը նուիրաբերած 17 մաղավուզցիներու յիշատակը յաւերժացնող յուշարձանի բացման հանդիսավոր արարողութեան։

Նախագահներ Արմէն Սարգսեանն ու Բակօ Սահակեանը ծաղկեպսակ դրեր են յուշակոթողին եւ յարգանքի տուրք մատուցեր են արցախեան ազատամարտին եւ Հայրենական մեծ պատերազմին զոհուած մաղավուզցիներու յիշատակին:

Արցախի նախագահը 2016թ.-ի Ապրիլեան ռազմական գործողութիւններուն ընթացքին ցուցաբերած արիութեան համար խումբ մը մաղավուզցիներու յանձներ է Արցախի պետական պարգեւներ։

Input your search keywords and press Enter.