ԱՄՆ-ը կը կասեցնէ F-35 -ներու պահեստամասերու մատակարարումը Թիւրքիային

Պենտագոնէն յայտարարութիւն եղեր է, ըստ որուն՝ նոր ամերիկեան սերունդի F-35 կործանիչներու պահեստամասերու մատակարարումը Թիւրքիային ժամանակավորապէս կը սառեցուի։

Հիմնական պատճառն այն է, որ Թիւրքիան չի ցանկանար հրաժարիլ ռուսական S-400 ՀՕՊ համակարգերու գնումէն, ինչին կտրականապէս դէմ է ԱՄՆ-ը։

ԱՄՆ-ն աւելի վաղ յայտներ էր, որ եթէ S-400-ները Թիւրքիային մատակարարուին, ապա թիւրք-ամերիկեան պայմանագիրով նախատեսուած F-35-ներն այլեւս չեն մատակարարուիր Թիւրքիային։ Ըստ թիւրք-ամերիկեան պայմանագիրի՝ Թիւրքիան պէտք է ստանար 100 միավոր F-35։

Պենտագոնի խօսնակը մասնաւորապէս ըսեր է.

«Մինչ մենք Թիւրքիայէն կը սպասէինք, որ ան կը կայացնէ վերջնական որոշում ու կը հրաժարի S-400-ներէն, F-35-ներու հետ կապուած գործառնական հնարաւորութիւններու ստեղծման եւ մատակարարման գործընթացը սառեցուեցաւ։ Բայց այս կարեւոր հարցին շուրջ Թիւրքիոյ հետ մեր երկխօսութիւնը կը շարունակուի»։

Թիւրքիան դեռ չէ արձագանքած Պենտագոնի որոշման։

 

Input your search keywords and press Enter.