Բակօ Սահակեանը յանձնարարականներ տուեր է Արցախի մէջ կայանալիք «ԿոնԻՖԱ» ֆուտբոլի Եւրոպայի առաջնութիւնը կազմակերպելու աշխատանքներուն առնչութեամբ

Արցախի Հանրապետութեան նախագահ Բակօ Սահակեանն Ապրիլի 3-ին  խորհրդակցութիւն հրաւիրեր է՝ նուիրուած Արցախի մէջ «ԿոնԻՖԱ»-ի 2019 թուականի Ֆուտբոլի Եւրոպայի առաջնութիւնը կազմակերպելու ընթացիկ նախապատրաստական աշխատանքներուն առթիւ:

Ինչպէս տեղեկացուցին Արցախի Հանրապետութեան նախագահի աշխատակազմի տեղեկատւութեան գլխաւոր վարչութենէն, նախագահը կարեւորեր է նման միջոցառման կայացումը մեր հանրապետութեան մէջ, ընդգծեր է զայն բարձր մակարդակով կազմակերպելու անհրաժեշտութիւնը եւ համապատասխան յանձնարարականներ տուեր է առաջնութեան նախապատրաստման, կազմակերպման եւ համակարգման կառավարական յանձնաժողովին եւ շահագրգիռ մարմիններուն՝ աշխատանքները պատշաճ իրականացնելու ուղղութեամբ:

Խորհրդակցութեան կը մասնակցէին պետնախարար, կառավարական յանձնաժողովի նախագահ Գրիգորի Մարտիրոսեանը, պաշտօնատար այլ անձեր:

 

Input your search keywords and press Enter.