Պոմպէոն զգուշացուցեր է Թիւրքիային

ԱՄՆ-ի պետքարտուղար Մայք Պոմպէոն զգուշացուցեր է Սուրիոյ մէջ Թիւրքիոյ միակողմանի ռազմական գործողութիւններու հնարաւոր կործանարար հետեւանքներուն մասին: Ան ասոր մասին յայտարարեր է Թիւրքիոյ Արտաքին Գործոց նախարար Մեւլութ Չաւուշօղլուին հետ հանդիպման ժամանակ, որ տեղի ունեցեր է ՆԱՏՕ-ի նախարարական հանդիպման շրջանակներուն մէջ:

Պետքարտուղարութիւնը կը յայտնէ, որ Պոմպէոն իր աջակցութիւնը յայտներ է հիւսիսարեւելեան Սուրիային վերաբերող շարունակուող բանակցութիւններուն՝ նախազգուշացնելով տարածաշրջանէն ներս Թիւրքիոյ միակողմանի ռազմական գործողութիւններու հնարաւոր կործանարար հետեւանքներուն մասին: Ան նաեւ կոչ ըրեր է արագ աւարտել Թիւրքիոյ մէջ ԱՄՆ-ի քաղաքացիներու անարդար ձերբակալման հետ կապուած գործերը, ներառեալ Սերքան Գոլջի, ինչպէս նաեւ Թիւրքիոյ մէջ ԱՄՆ-ի դիւանագիտական առաքելութեան աշխատակիցներուն:

Input your search keywords and press Enter.