Սոչիի մէջ համշէնահայերու պատմութեան նուիրուած թանգարան բացուեր է

Սոչի քաղաքի Լազարեւսկի շրջանի Նոր Լոյս (Ալտմեց) գիւղին մէջ բացուեր է Համշէնահայերու պատմութեան նուիրուած ազգագրական թանգարան:

Ինչպէս կը հաղորդէ «Հայերն այսօր»-ը, թանգարանին բացումը մեծ իրադարձութիւն է շրջանի ապրող համշէնահայերուն համար, որոնց նախնիները 19-րդ դարու կէսերուն եւ 20-րդ դարասկիզբին՝ Հայերու դեմ կատարուած ցեղասպանութենէն յետոյ, Կովկասի Սեւծովեան ափեր տեղափոխուեր են Արևմտեան Հայաստանի Համշէն բնակավայրէն:

Թանգարան հիմնելու գաղափարը կը պատկանի Նոր Լոյսի բնակիչ Արտաւազդ Արշակի Աւջեանին, որուն նախնիները եւս Արեւմտեան Հայաստանէն են: Ան դեռ 30 տարի առաջ խնամքով հաւաքեր է լուսանկարներ, կենցաղային առարկաներ, գիրքեր, փաստաթուղթեր, նուագարաններ՝ որոնք պատկաներ են այն հայերուն, որոնք եղեր են գիւղի առաջին բնակիչները:

Թանգարանը կը գտնուի Նոր Լոյսի Սուրբ Նարեկ Հայկական Առաքելական եկեղեցիին կից շէնքին մէջ: Թանգարանի բացումն ու օրհնութեան կարգը կատարեր է Սոչիի Սուրբ Խաչ Հայկական Առաքելական եկեղեցիի հոգեւոր հովիւ Տէր Կոմիտասը:

Այնուհետև թանգարանի հիմնադիր Արշակ Աւջեանը ներկայացուցեր է թանգարանի ցուցանմուշները, խօսեր է նպատակներուն մասին եւ ընդգծեր է այն կարեւոր նշանակութիւնը, որ թանգարանը պիտի ունենայ ո´չ միայն գիւղի, այլեւ Կրասնոդարի երկրամասի տարածքին ապրող հայ բնակիչներուն համար:

Input your search keywords and press Enter.