Արճէշի մէջ ձերբակալուածները խոշտանգման ենթարկուեր են

Արեւմտեան Հայաստանի Վանի Արճէշ քաղաքէն ներս ոստիկանական յատուկ գործողութիւններով ձերբակալուած է DBP (ԴՇԿ) կուսակցութեան Արճէշի շրջանային կառավարիչ Ռեջեպ Օնալն ու անոր հետ մէկտեղ՝ Մեքան Բեդերն ու Հաքան Բոզդաղը։ Անոնք ոստիկանութեան կողմէ ենթարկուեր են խոշտանգումներու։ Անվտանգութեան բաժին տեղափոխուած երեք երիտասարդները չդիմանալով ստացած հարուածներուն՝ տեղափոխուեր են հիւանդանոց։ Անոնց մարմիններուն վրայ առկայ են հարուածներու յետքերը։

Նախորդ օրը լճափին լուսանկարուելու պահին՝ երիտասարդներուն մօտեցեր է ոստիկանը եւ զգուշացուցեր է, որ իրենք կը գտնուին եւ կը լուսանկարուին «Յատուկ նշանակութեան գործողութիւններու տարածքին»։ Այդ պատճառով անոնք ձերբակալուեր ու տեղափոխուեր են ոստիկանութեան յատուկ գործողութիւններու  բաժին։ Այնտեղ ալ ենթարկուեր են ծեծի ու խոշտանգումներու։ Ծեծին հետեւանքով դէմքի եւ մարմինի վրայ իրենց ստացած կապտուկներու եւ վէրքերու ծանրութեան տակ ուշագնաց ըլլալով եւ սրտխառնուք ունենալով՝ քաղաքի ոստիկանութեան բաժանմունքին միջոցով փոխադրուեր են հիւանդանոց։ Լուրը յայտնող լրագրողը նոյնպէս ձերբակալուեր է։

Input your search keywords and press Enter.