Ստեփանակերտի մէջ տեղի ունեցեր է Մայր Տաճարի օծման եւ բացման արարողութիւնը

Տեղի ունեցեր է Ստեփանակերտի Մայր Տաճարի օծման եւ բացման պաշտօնական արարողութիւնը:  «Արցախպրես»-ի  թղթակիցին  հաղորդմամբ՝  Մայր Տաճարի օծման արարողութիւնը  իրականացուցեր է Ամենայն Հայոց Կաթողիկոս Ն.Ս.Օ.Տ.Տ Գարեգին Բ-ը, որմէ ետք   իր ձեռամբ մատուցեր է առաջին պատարագը:

 

Ամենայն Հայոց Կաթողիկոսի խօսքով՝   իրենք Արցախ կը գտնուին վերստին վկայելու, որ հակառակ բոլոր դժուարութիւններուն, պարտադրուած   պատերազմներուն, աւերումին ու կոտորածին՝ անհնար է ընկճել հայու հաւատքն ու ոգին, քանզի Աստուած հայու հետ է:

Միջոցառման ներկայ եղած են նաեւ Արցախի Հանրապետութեան նախագահ Բակօ Սահակեանը, Ազգային ժողովի նախագահ  Աշոտ Ղուլեանը, ՀՀ ազգային անվտանգութեան ծառայութեան տնօրէն Արթուր Վանեցեանը, Մայր Աթոռ Սուրբ Էջմիածինի հոգեւոր դասի ներկայացուցիչներ, հիւրեր ՀՀ-էն  եւ Սփիւռքէն եւ այլք:

Input your search keywords and press Enter.