Մեր յատուկ ջոկատայինները կրնան քաոս ստեղծել հակառակորդի թիկունքին. Տօնոյեան

Մեդիամաքսին տուած հարցազրոյցին ՀՀ պաշտպանութեան նախարարը անդրադարձեր է իր յայտարարութեան, որ ՀՀ Զինուած Ուժերը պէտք է շատցնեն գրոհող ստորաբաժանումներուն քանակը:

Նախարարին խօսքով` մարդիկ, երբեմն, կը յայտնուին հարեւան երկրի վարած տեղեկատուական քաղաքականութեան ազդեցութեան տակ. Ատրպէյջանը կը պնդէ, որ ինք շատ ուժեղ է, հզօր է: «Ատրպէյջանին կը թուի, որ մենաշնորհ ունի խօսելու յաղթանակներու կամ տարածքներու մասին: Նման մենաշնորհ իրենք չունին եւ պիտի չունենան»,–ընդգծեր է ՀՀ պաշտպանական գերատեսչութեան ղեկավարը:

Խօսելով գրոհային ստորաբաժանումներու քանակն աւելցնելու մասին, որոնք «կրնան մարտական գործողութիւններ վարել հակառակորդի տարածքին»` նախարարը մանրամասներ է, որ անոնք յատուկ գործողութիւններ իրականացնող ստորաբաժանումներն են, որոնք սադրանքի պարագային հակառակորդին հետ պիտի առերեսուին անոր տարածքին մէջ:

«Պիտի սանձենք հակառակորդին, որպէսզի յաջորդ անգամ նման քայլերու չդիմէ: Խօսքը ոչ հասարակ քայլերու մասին է: Անհրաժեշտութեան ժամանկ մեր գրոհային խումբերը կրնան քաոս ստեղծել հակառակորդի թիկունքին»,–ըսեր է Տօնոյեանը:

Input your search keywords and press Enter.