Արցախի մէջ պեղումներու ընթացքին գիտնակաները ապշեցուցիչ բացայայտումներ ըրեր են

Արցախեան Ազոխ գիւղին մէջ հայ եւ օտարազգի գիտնականներու կողմէ կատարուած պեղումները հաստատեցին.

“Եօթ հազար տարի առաջ այնտեղ բնակող մարդիկ ժամանակակից հայերու նախնիներն են: Հայերը Հայկական լեռնաշխարհի միակ բնիկ ժողովուրդն են, անոնք այլ տարածքներէ չեն ներգաղթած”, կ՛ըսէ կենսաբանական գիտութիւններու դոկտոր, պրոֆեսոր Լեւոն Եպիսկոպոսեանը:

«Մենք Արցախի մէջ կատարուած բազմաթիւ պեղումներէ ետք ուսումնասիրեցինք աւելի քան տասը քարայր, եւ եկանք այս եզրահանգման: Այդ քարայրներէն կը յւիշատակեմ Ազոխի եւ Ալեքսան Օզէի քարանձաւները », — ըսաւ Եպիսկոպոսեանը:

Ըստ անոր, նեանդերտալցիներու եւ ձուկի ոսկորներու մնացորդները յայտնաբերուեր են բազմաթիւ մշակութային շերտերու մէջ: Սակայն ի տարբերութիւն Ազոխի քարանձաւին՝ ԴՆԹ-ն աւելի լաւ պահպանուած է Ալեքսան-Ուզէ քարայրին մէջ:

«Այստեղ յայտնաբերեցինք մօտ եօթ հազար տարի առաջ Արցախի մէջ ապրած մարդու մը ատամը: Ինչպէս գիտէք, ատամի մէջ  ԴՆԹ-ն կրնայ դարերով պահպանուիլ », — նշեց Եպիսկոպոսեանը:

Ատամի գէնետիկ  փորձաքննութօւնը կատարուեցաւ Կոպենհագէնի մէջ եւ պարզուեցաւ, որ այդ գէնը կը համապատասխանէ ժամանակակից հայերու գէնին:

Սա եւս ապացոյց մըն է, որ հայերը Հայկական լեռնաշխարհի բնիկ ժողովուրդն են:

 

Input your search keywords and press Enter.