«Թրքական» դանակը Միացեալ Նահանգներու թիկունքին

Եթէ Ռուսաստանին յաջողի S-400 վաճառել Թիւրքիային՝ ապա ԱՄՆ-ի պաշտպանութեան ոլորտը կը տուժէ։

Միացեալ Նահանգները չի դադրիր Թիւրքիային զգուշացնելէ S-400-ի ձեռքբերման բացասական հետեւանքներուն մասին: Ապրիլի 1-ին անոնք նոյնիսկ  յայտարարեցին դէպի Անկարա F-35 կործանիչ ինքնաթիռներուն հետ կապուած բոլոր սարքաւորումներու մատակարարումը դադրեցնելու մասին, այդպիսով համոզելով ետ կանգնիլ ռուսական հակահրթիռային պաշտպանութեան համակարգ գնելու ցանկութենէն։

Այնուամենայնիւ, ՆԱՏՕ-ի անդամ Թիւրքիան կատարեր է իր ընտրութիւնը։ Ռուսական S-400-ը կ՛ընդգրկուի իր ռազմական զինանոցին մէջ եւ կը գործէ յառաջիկայ ամիսներուն: Եթէ ԱՄՆ-ին յաջողի ստիպել չեղեալ համարել Ռուսաստանի հետ պայմանագիրը՝ ապա դոմինոյի ազդեցութիւն պիտի տեղի ունենայ Հնդկաստանի, Բահրէյնի, Սէուդական Արաբիոյ եւ այլ երկիրներու համար, որոնք ցանկութիւն յայտներ են Ռուսաստանի հետ գործարք կնքելու մասին։

Շատ երկիրներ կրնան մտածել Իրանի եւ Ռուսաստանի օրինակին հետեւելու մասին, որոնք նախընտրեր են հրթիռային մարտկոցները՝ մարտական ինքնաթիռներու փոխարէն, եւ կ՛օգտուին ռուսական եւ չինական բալիստիկ հրթիռներէ:

Այսպիսով, Թիւրքիան կրցաւ Պենտագոնէն վրեժխնդիր ըլլալ Patriot համակարգերու վաճառքը արգիլելու եւ F-35 կործանիչ ինքնաթիռներուն հետ կապուած բոլոր սարքաւորումներու մատակարարումը կասեցնելու եւ թրքական արժոյթի 30 % անկման համար։

 

Input your search keywords and press Enter.