Արեւմտեան Հայաստանի նախագահին ուղերձը՝ Իտալիոյ խորհրդարանին

ԱՐԵՒՄՏԵԱՆ ՀԱՅԱՍՏԱՆ — Բացարձակ մեծամասնութեամբ, 382 կողմ եւ 0 դէմ ձայնով, մինչ 43 պատգամաւորի չմասնակցելով քուէարկութեան՝ Իտալիոյ խորհրդարանը խնդրեր է կառավարութենէն «պաշտօնապէս ճանչնալու հայերու դէմ կատարուած ցեղասպանութիւնը», եւ անոր տալու միջազգային հնչեղութիւն:

Իտալիոյ Խորհրդարանին կողմէ այս բանաձեւին ճանաչումը այսօր անխուսափելի իրականութիւն է, որ թոյլ կուտայ շարունակելու պատմական ճշմարտութեան կառուցումը, պաշտպանելու համար ժողովուրդներու եւ Պետութիւններու միջազգային իրաւունքները՝ բարբարոս խումբերու եւ քրէական Պետութիւններու արարքներէն, որոնք կ՛ոչնչացնեն ոչ միայն այդ մարդկանց գոյքը, այլեւ կը սպառնան անոնց գոյութեանն ու քաղաքակրթութեան:

Արեւմտեան Հայաստանի բնիկ հայ բնակչութեան դէմ կատարուած ցեղասպանութեան միջազգային յիշատակի մօտալուտ օրուան եւ Սեւրի Դաշնագիրի հարիւրամեակին առիթով՝ Արեւմտեան Հայաստանը շնորհակալութիւն կը յայտնէ Իտալիային, կիսելուն համար արդարութեան այս կամքը, որ թոյլ կուտայ բարձրացնելու Մարդկայնութիւնը՝ ծաղկեցնելու համար Խաղաղութիւնը։

Input your search keywords and press Enter.