Ապրիլի 24-ը Ֆրանսայի մէջ յայտարարուեցաւ Հայերու դէմ կատարուած ցեղասպանութեան զոհերու յիշատակի օր․ Անկարան դէմ է

Ֆրանսայի տարածքին ուժի մէջ մտաւ օրէնք, ըստ որուն Ապրիլի 24-ը յայտարարուեցաւ որպես «Հայերու դէմ իրագործուած ցեղասպանութեան օր»։ Օրէնքը խստօրէն դատապարտող Անկարան՝ զայն որակեց որպէս ոտնձգութեան օրինակ։ Օրէնքին տակ ստորագրեց Ֆրանսայի նախագահ Էմանուէլ Մակրոնը։

Հրամանագիրը հրապարակուեցաւ  Հայաստանի Հանրապետութեան վարչապետ Նիկոլ Փաշինեանի Ֆրանսայ գտնուելուն ժամանակ։

Երեք կէտէ բաղկացած հրամանագիրն ստորագրուեր է Նախագահ Մակրոնի ու վարչապետ Էդուարդ Ֆիլիպի կողմէ: Որոշման մէջ կը յիշեցուի, որ Ֆրանսան 2001 թուականի Յունուար 29-էն պաշտօնապէս ճանչցեր է հայերու դէմ կատարուած ցեղասպանութիւնը եւ Ապրիլի 24-ը յայտարարուեր է որպէս Հայոց դէմ կատարուած ցեղասպանութեան յիշատակի օր: Որոշման համաձայն, ամեն տարի Ապրիլի 24-ին Փարիզի մէջ տեղի պիտի ունենայ պաշտօնական պետական արարողութիւն: Միւս քաղաքներէն ներս յիշատակի արարողութիւնները կը մնան քաղաքապետներու հայեցողութեան տակ:

Ֆրանսայի այս որոշման դէմ է Անկարան։ Նախագահականի Հաղորդակցութեան նախագահ Դոկտոր Ֆահրետտին Ալթունը Մակրոնի որոշումը որակեց որպէս էժանագին պոպուլիզմ։

Թիւրքիոյ Արտգործնախարարութիւնն ալ իր հերթին նշեր է, որ որոշումը բացասաբար կ՛անդրադառնայ երկու երկիրներու յարաբերութիւններուն վրա, աւելցնելով, որ Մակրոնը պիտի յիշուի որպէս  ՛՛պատմութիւնը քաղաքականցնող պոպուլիստ առաջնորդ”։

Ֆրանսան Օսմանեան կայսրութեան մէջ հայերու դէմ տեղի ունեցած իրադարձութիւնները 2001 թ․-ին ճանչցեր է որպէս ցեղասպանութիւն, եւ Ապրիլի 24-ը ճանչցեր է որպէս ցեղասպանութեան յիշատակի օր, այն ընդգրկուած  էր 2017 թուականին Նախագահ Մակրոնի նախընտրական խոստումներուն մէջ:

Input your search keywords and press Enter.