Խորհրդաւոր բլուր Սեբաստիոյ մէջ

Արեւմտեան Հայաստանի Սեբաստիոյ Հաֆիկի շրջանի Դուրուլմուշ գիւղին մօտ կը գտնուի Ծակ Գագաթ կոչուող թումբը, որ մեծ հետաքրքրութիւն կ՛առաջացնէ այցելուներուն եւ դիտողներուն մէջ։ Հեռուէն նայողին մօտ մեծ անցքի տպաւորութիւն ձգող փոսը իրականութեան մէջ ձեռակերտ թունել է։ Դեռ յայտնի չէ՝ երբ եւ որուն կողմէ փորուեր է 30 աստիճանի լանջին վրայ բացուած եւ 152 աստիճանէ բաղկացած թունելը։ Ան հասանելի է ընդամենը 34 մետր խորութեան վրայ, եւ ունի 55 մետր երկարութիւն։ Աւելին յայտնի չէ։

Գիւղի տարեց բնակիչներուն վկայութեամբ՝ գիւղը առաջ եղեր է հայկական եւ կոչուեր է   Գեւրէ, աւելի ուշ վերափոխուեր է Դուրուլմուշի։ Այդպէս ալ գաղտնիքը չբացայայտուած թունելը  հետաքրքիր ենթադրութիւններու տեղիք կուտայ՝ որպէս գաղտնի գետնանցում, քարանձաւ, ջուրով լեցուն տարածք եւ այլն։

Input your search keywords and press Enter.