Արեւմտեան Հայաստանի  Վանի կարեւորագոյն պատմական արժէքներէն մէկը՝ Եօթ եկեղեցիներու վանքը անուշադրութեան մատնուելուն պատճառով, անոր դեռ կանգուն մնացած հատուածը կործանուելու վտանգի առջեւ է։

8-11-րդ դարերուն միջեւ կառուցուած Եօթ Եկեղեցիներ պատմական վանքը, որ նաեւ յայտնի է որպէս Վարագավանք, հիմնուեր է Էրեկ լեռան ստորոտին: Ժամանակի ընթացքին աւերակուած վանքի գմբեթը փլուզուեր է 2011 թ.-ի երկրաշարժին ժամանակ։ Պատմական եկեղեցիի հին լուսանկարներուն նայելով  եւ իրական պատկերը տեսնելով՝ զբօսաշրջիկները կը ցնցուին։ Վանքի հատ ու կենտ կանգուն մնացած պատերէն բացի, անոնք աւերակներուն ներսը կը տեսնեն մզկիթ եւ մզկիթի զուգարանը։ Վանքին պատկանող կանգուն հատուածները կը պաշտպանեն տեղաբնակ գիւղացիները՝ ծածկելով զանոնք թիթեղներով։ Քարերու եւ պատերու որոշ մասն ալ կ’օգտագործեն որպէս շինանիւթ։

Մշակուեցաւ ծրագիր մը՝ ըստ որուն կը ցանկանային վանքը զատել մզկիթէն եւ վերականգնել։ Սակայն դեռ ոչ մէկ քայլ չէ առնուած։

Պատմական կառոյցը բաղկացած է 5 եկեղեցիներէ, որոնց կցուած էին ժամատունը,զանգակատունն ու գրադարանը: Եկեղեցիներէն ամենահինը Սուրբ Սոֆիան է, աւելի ուշ՝ 1003-1024թթ.-ներուն կառուցուեր է Սուրբ Մարիամ եկեղեցին։

Ըստ վարկածներեւ՝ 1005 թ.-ին հայ արքայ Սենեքերիմ-Կովհաննէսն այստեղ կառուցեր է Սուրբ Նշանը՝  նույն ինքն Վարագավանքը: Մէկ այլ ենթադրութեամբ ալ՝ երրորդ դարուն, սուրբ Գայանէ եւ Հռիփսիմէ կոյսերը՝ վերցնելով Յիսուսի խաչէն կտոր մը, եկեր են Վան եւ զայն ձգեր են այս վանքին։

 

Input your search keywords and press Enter.