Հայերու դէմ կատարուած ցեղասպանութեան թեման ներառնուեր է Սուրիոյ պատմութեան դասագիրքերուն մէջ

Սուրիոյ Խորհրդարանի հայ պատգամաւոր Նորա Արիսեանի նախաձեռնութեամբ Հայոց ցեղասպանութեան թեման ներառնուեր է Սուրիոյ պատմութեան դասագիրքերէն ներս:

Ինչպէս կը հաղորդէ «Հայերն այսօր»-ը,  շարունակելով այս ուղղութեամբ աշխատանքները՝ Նորա Արիսեանը նոյն պահանջով դիմեր էր Սուրիոյ կրթութեան նախարարութեան «Ուսումնական ծրագիրներու վերամշակման ազգային կեդրոն»: Մասնագետներուն հետ երկարատեւ նիստերէ եւ քննարկումներէ, ինչպէս նաեւ 2019 թուականի Յունուար 31-ին պատմութեան դասագիրքերու վերամշակման առիթով տեղի ունեցած յատուկ քննարկման Հայոց դէմ կատարուած ցեղասպանութեան թեման ներկայացնելէ ետք՝ կեդրոնը վաւերացուց 2019-2020 ուսումնական տարեշրջանի աւարտական դասարաններու (բակալորիա) պատմութեան դասագիրքերուն մէջ ներառնել Հայոց ցեղասպանութիւնը ներկայացնող թեմաներ:

Input your search keywords and press Enter.