Ստեփանակերտի մէջ կ՛ընթանայ Արցախի ֆուտբոլային լիգայի առաջնութիւնը

«Արցախի ֆուտբոլի լիգա» հասարակական կազմակերպութեան նախաձեռնութեամբ Ստեփանակերտի Ստեփան Շահումեանի անուան հանրապետական մարզադաշտին մէջ կ՛ընթանայ 2019 թուականի Արցախի Հանրապետութեան ֆուտբոլային լիգայի առաջնութեան 6-րդ մրցաշարը:

Ասոր մասին «Արցախպրես»-ի թղթակիցին հետ զրոյցին ըսեր է «Լեռնային Արցախ» ֆուտբոլային ակումբի նախագահի տեղակալ Մհեր Աւանեսեանը՝ մանրամասնելով, որ առաջնութեան կը մասնակցի 12 խումբ՝ մայրաքաղաքէն եւ շրջաններէն:

«Առաջնութեան նպատակն է նպաստել ֆուտբոլ մարզաձեւի զարգացման, լայն թափ հաղորդել անոր ժողովրդականացման, ի յայտ բերել եւ կատարելագործել լաւագոյն խումբերն ու մարզիկները: Կարճ ժամանակահատուածի մէջ մենք կարողացանք կազմաւորել ֆուտբոլային խումբերը, որոնք մեծ աշխուժութեամբ կը պատրաստուէին հանդիպումներուն: Մինչեւ հիմա բոլոր խումբերն ալ ներկայացեր են պատշաճ մակարդակով եւ ցուցադրեր են դիտարժան խաղեր՝ գոհացնելով ֆուտբոլասէր հասարակութիւնը»,-աւելցուցեր է Մ.Աւանեսեանը:

 

Input your search keywords and press Enter.