115 տարի առաջ այս օր ծներ է Արշիլ Կորքին (Ոստանիկ Ադոյեան)

Աշխարհահռչակ ամերիկահայ նկարիչ։ Ծներ է 1904 թ․-ի Ապրիլ 15-ին Արեւմտեան Հայաստանի Վանայ շրջանի Հայոց Ձոր գաւառի Խորգոմ գիւղին մէջ, — մահացեր է 1948 թ․-ի Յուլիս 21-ին ԱՄՆ-ի մէջ, Շերման, Կոնեկտիկուտ:

Նախնական կրթութիւնն ստացեր է Խորգոմի եւ Վանի դպրոցներէն ներս։ 1915 թուականին Հայերու դէմ կատարուած ցեղասպանութենէն փախչելով մօր՝ Շուշանիկ Տէր-Մարտիրոսեանի եւ երեք քոյրերուն հետ կը գաղթեն Էջմիածին, ապա կը տեղափոխուին Երեւան։ Ոստանիկը կը սորվի Երեւանի թեմական դպրոցէն ներս, ուր կ՛ուսանի նկարչութիւն եւ փայտի փորագրութիւն։ 1919 թուականին կը մահանայ մայրը։ Ոստանիկն ու քոյրը կը տեղափոխուին Թիֆլիս, յետոյ Բաթում, իսկ 1920 թուականին կը մեկնին ԱՄՆ։

 

1922 թուականին կ՛ընդունուի Բոստոնի նկարչական դպրոց։ 1924 թուականին կը տեղափոխուի Նիւ Եորք: 1924 թուականին Ոստանիկ Ադոյեանը կ՛անվանափոխուի Արշիլ Կորքիի։ 1933 թուականին կը միանայ նկարիչներու օգնութեան կառավարական ծրագիրին (PWAP) եւ պատուերով կը ստեղծէ Նիւ Եորքի օդանաւակայանի որմնանկարային տեսարանը։ 1938 թուականին Գորկին Հայաստան կ՛ուղարկէ չորս ստեղծագործութիւն։ 1939 թուականին կը մասնակցի Նիւ Եորքի համաշխարհային ցուցահանդէսի դեկորատիւ աշխատանքներուն։ 1945 թուականին կը տեղափոխուի Ռոքբուրի Կոնեկտիկուտ։ Կը պատրաստուի Ջուլիան Լեւի պատկերասրահին մէջ բացուելիք ցուցահանդէսին. սակայն 1946 թուականին կ՛այրի անոր արուեստանոցը, 36 նկարով եւ գրադարանով հանդերձ։ Նոյն թուականին կը տանի քաղցկեղի վիրահատութիւն։ 1948 թուականին մեքենայի վթարէն կը վնասուի ողնաշարը, որուն պատճառով աջ ձեռքը կը դառնայ անաշխատունակ։ Կորքին կախամահ կ՛ըլլայ Շէրման, Քօնէքթիքըթ, 1948 թ.-ին, 44 տարեկանին։ թաղուած է Շէրմանի Հիւսիսային Գերեզմանատունը։  

Input your search keywords and press Enter.