Հայերու դէմ կատարուած ցաղասպանութեան 104-երորդ տարին․ Ճանչցիր ցեղասպանութիւնը, ներողութիւն խնդրէ, հատուցէ!

Արեւմտեան Հայաստան-    Օսմանեան Թրքական կայսրութեան 1915թ․-ի որոշումը՝ հայերւ դէպի ոչնչացում արտաքսելուն վերաբերեալ, իրականութեան մէջ պետութեան կողմէ հայերու դէմ  կազմակերպուած ցեղասպանութեան ծրագիր էր։ 1915 թ. Ապրիլի 24-ին Արեւմտեան Հայաստանի մէջ հայկական կեանքն ու մշակոյթը ոչնչացնելուն ուղղուած ծրագիրն սկսեցաւ։ Միութիւն եւ Յառաջադիմութիւն կուսակցութիւնն ու Օսմանեան կայսրութիւնը կրցան հայերը ոչնչացնել՝  հրահրելով թիւրք եւ քիւրդ ժողովուրդները հայերուն դէմ։ Մահմետական ժողովուրդներուն մէջ  ատելութիւն եւ անհանդուրժողականութիւն հրահրուեցաւ՝ ոչ մահմեդական ազգերու, յատկապէս հայերու հանդէպ: Պետութիւնը քաջալերեց զանոնց՝ սպաննելու իրենց հայ հարեւաններն ու բռնագրաւելու անոնց ունեցուածքը։ Ցեղասպանութեան օրերուն շատ քիչ քիւրդեր եւ թիւրքեր քաջութիւնն ունեցան կանգնելու հայ ժողովուրդի կողքին։

Օսմանյան կայսրութեան փլատականերուն վրայ կառուցուած Թիւրքիոյ Հանրապետութիւնը՝ Արեւմտեան Հայաստանն ստացաւ հայերէն «մաքրուած» վիճակով։

Ցեղասպանութեան իրագործման հարցին առաջնային պատասխանատւութիւն կրող որոշ պաշտօնեաներ կարեւոր տեղ զբաղցուցին Նոր Թիւրքական պետութեան կազմէն ներս։ Ցեղասպանութենէն փրկուած եւ Ստամբուլ տեղափոխուած տասնեակ հազարաւոր հայեր ենթարկուեցան ազգային խտրականութեան եւ շարունակեցին  վիրաւորանքներու եւ յարձակումներու թիրախ դառնալ: Այսօր ողջ աշխարհը մեղաւորներէն կը սպասէ հայերու դէմ կատարուած ցեղասպանութեան ճանաչումն ու ներողութեան հայցումը։ Այսօր մենք կոմունիստներս՝ թիւրք եւ քիւրդ ժողովուրդներու անմիջական առնչութեան պատճառով ցեղասպանութեան հետ, ամօթ կը զգանք եւ կ՛ուզենք ներողութիւն խնդրել։ Մենք դէմ ենք Թրքական պետութեան մերժողական, ստայօդ դիրքորոշման, եւ տասնամեակներու լռութեան համար ներողութիւն կը խնդրենք։

Ցեղասպանութեան 104-րդ տարելիցին օրը Օսմանեան կայսրութեան ժառանգորդ Թրքական պետութենէն կը պահանջենք հետեւեալը

Ցեղասպանութեան իրողութիւնը պէտք է անմիջապէս ճանչցուի առանց նախապայմաններու, իր բոլոր հետեւանքներով

* Հիւսիսային Քրդստանին եւ Թիւրքիոյ հայկական համայնքին լիակատար իրաւահաւասարութիւն։ Հայ համայնքը ճանչնալ եւ անոր աջակցիլ

* Հակահայ ազգայնամոլութեան եւ ռասիզմի բոլոր դրսեւորումներուն դէմ պայքար եւ արգելք

* Ցեղասպանութեան ժամանակ ձերբակալուած, սպաննուած եւ ստիպողաբար արտաքսուած բոլոր հայերու այսօրուայ իրաւայաջորդներուն՝ իրենց հայրենիքը վերադառնալու իրաւունք

* Աւազակաբար թալանուած հայկական գոյքի վերադարձը կամ փոխհատուցում

* Պետութեան փոխանցուած հայերու ողջ գոյքի փոխհատուցում

* Արեւմտեան Հայաստան վեդառնալու, բնակութիւն հաստատելու կամ հեռանալու վերաբերեալ հայերու իրաւունքի պաշտպանութիւն

* Թրքական դպրոցներէն ներս՝ թիւրք իշխանաւորներու վարած ցեղասպան քաղաքականութեան վերաբերեալ ճիշտ տեղեկատւութիւն

* Ոչ անմիջական ժառանգորդ հանդիսացող հայերու գոյքի փոխհատուցում ՝ Հայաստանի Հանրապետութեան

* Թիւրք-հայկական սահմանի անյապաղ բացումը։ Հայաստանի Հանրապետութեան հետ բարի դրացիական յարաբերութիւններու զարգացում

104 տարուայ լռութիւնը բաւական է: Այժմ իրականութեան, ցեղասպանութեան յանցագործութեան եւ պատասխանատւութեան հետ առերեսուելու ժամանակն է: Միայն այդպիսով հնարաւոր կը դառնայ ժողովուրդներու միջեւ հաշտութիւն հաստատելը: Այժմ ժողովուրդներու՝ իրարու հետ խօսելու ժամանակն է: Մենք գիտենք, որ երբ ժողովուրդները կը խօսին,փոխըմբռնումը աւելի հեշտ կը դառնայ։

11 Ապրիլ 2019

Input your search keywords and press Enter.