Արեւմտահայերէնը պէտք է դասաւանդուի դպրոցներէն ներս․ պատգամաւոր Նարինէ Թուխիկեանը հանդէս կուգայ օրէնսդրական նախաձեռնութեամբ

Ազգային ժողովի «Իմ քայլը» խմբակցութեան պատգամաւոր Նարինէ Թուխիկեանը յայտարարեր է, որ կը պատրաստուի հանդէս գալ արեւմտահայերէնի մասին օրէնսդրական նախաձեռնութեամբ։

«Արեւմտահայերէնը ՅՈՒՆԵՍԿՕ-ն ճանչցեր է որպէս վտանգուած լեզու, ես կը կարծեմ, որ Հայաստա՛նն է երաշխաւորը արեւմտահայերէնի պահպանման եւ տարածման, եւ ո՛չ թէ սփիւռքը։ Մենք ունինք պետութիւն, որ պարտաւոր է իր մշակութային գանձերը պաշտպանելու, իսկ ամենամեծ եւ ամենաթանկագին գանձը լեզուն է։ »,-նշեց ան։

Պատգամաւորը շեշտեց՝ պետութեան կողմէ լեզուի պաշտպանութեան միջոց կրնան ըլլալ օրէնսդրական յստակ կարգաւորումները․ «Միջոցներէն մէկը ուսուցման միջոցի կիրառումն է, արեւմտահայերէնը որպէս կրթական առարկայ պէտք է դասաւանդուի Հայաստանեան դպրոցներէն ներս, իւրաքանչիւր հայ պէտք է արեւմտահայերէնի կրողը ըլլայ, որեւէ հայու համար այս լեզուն պէտք չէ անծանօթ ըլլայ»։

Ան նաեւ աւելցուց՝ արեւմտահայերէնով հրաշալի գրականութիւն կայ, զոր պէտք չէ կորսնցնենք։ Եզրափակելով իր խօսքը՝ պատգամաւորը նշեց, որ դեռ պարզ չէ՝ առանձին օրինագիծ կը ներկայացնէ՞, թէ օրէնքը փոփոխելու առաջարկ։

Input your search keywords and press Enter.