ԱՄՆ-ը յայտարարեր է, թէ ե՞րբ կը դադրեցնէ պատժամիջոցները Սուրիոյ դէմ

Միացեալ Նահանգներն ու անոր դաշնակիցները չեն նպաստեր Սուրիոյ վերականգնման եւ չեն պատրաստուիր դադրեցնելու պատժամիջոցները Դամասկոսին դէմ, մինչեւ կ՛աւարտուին քաղաքական կարգաւորման գործընթացները երկրէն մերս: Ասոր մասին Երկուշաբթի օր յայտարարեր է ԱՄՆ-ի պետքարտուղար Մայք Պոմպէոն:

Պետ ​​դեպարտամենտի ղեկավարը խօսեր է Տեքսասի համալսարանին մէջ: Պոմպէոյին հարցուցեր են, թէ հակասուրիական պատժամիջոցները վերացնելու հնարաւորութիւն կա՞: Ի պատասխան՝ Պետքարտուղարը յայտարարեր է, որ կան մարդիկ, ովքեր Սուրիոյ նախագահ Բաշշար Ասադին կը համարեն հակամարտութեան յաղթող:

«Ես չեմ գիտեր, թէ արդեօք ովքե՞ր են յաղթողներն ու պարտուողները, սակայն երկրի իրավիճակը շատ ծանր է, Ասադը շատ թոյլ երկիր ունի՝ ուր կայ 6 միլիոն տեղահանուած մարդ», — ըսեր է Պոմպէոն:

Ան յիշեր է, որ Դամասկոսը դեռ չէ վերադարձուցած երկրի ողջ տարածքի եւ շատ մը նաւթային հանքերու նկատմամբ իր վերահսկողութիւնը: Պետքարտուղարը նշեր է, որ Միացեալ Նահանգներու եւ Եւրոմիութեան կողմէ կիրառուած պատժամիջոցները պիտի մնան այնքան՝ մինչեւ որ Սուրիան կատարէ  ՄԱԿ-ի Անվտանգութեան խորհուրդի 2254 բանաձեւը, եւ իրականացնէ երկրէն ներս «քաղաքական կարգաւորման» գործընթացը:

Input your search keywords and press Enter.