Ամերիկեան Stratfor անկախ վերլուծական ընկերութիւնն իր կայքին ծաւալուն անդրադարձ կատարեր է աշխարհի անկախ, ինչպէս եւ դեռ չճանչցուած պետութիւններուն, որոնց շարքին ներառեր է նաեւ Արցախը:

«Աշխարհի մէջ քանի՞ երկիր կայ: Այս հարցին ճիշտ պատասխանելու համար նախեւառաջ հարկաւոր է հասկնալ «երկիր» բառի սահմանումը: Ըստ ՄԱԿ-ի՝ աշխարհիս երեսին կայ 195 անկախ պետութիւն, որոնցմէ 193-ը ՄԱԿ-ի անդամ է, իսկ 2-ը՝ Վատիկանն ու Պաղեստինը, դիտորդ պետութեան կարգավիճակ ունին»,- կը գրէ աղբիւրը:

Սակայն աշխարհի քարտէսին վրայ կան վիճելի տարածքներ, որոնք մասամբ ճանչցուած են:

«Ինչ կը վերաբերի ՄԱԿ-ի անդամ երկիրներուն կողմէ չճանչցուած, սակայն դէ-ֆակտօ անկախ պետութիւններուն՝ ապա անոնք են Արցախը (Լեռնային Ղարաբաղը), Տրանսնիստրիան եւ Սոմալիլենդը»,-կը շարունակէ աղբիւրը՝ աւելցնելով, որ 2014 թուականէն ի վեր այս ցանկը համալրելու հաւակնութիւն ունին նաեւ Լուգանսկի եւ Դոնեցկի ինքնահռչակ հանրապետութիւնները:

Input your search keywords and press Enter.