«Սուրիական ճգնաժամը պէտք է կարգաւորուի տարածաշրջանի երկիրներուն միջեւ երկխօսութեան միջոցով». Զարիֆ

Սուրիա կատարած աշխատանքային այցի աւարտին՝ Իրանի Արտաքին Գործոց նախարար Մոհամմադ Ջաւադ Զարիֆը երեկ ուշ երեկոյեան Թիւրքիա մեկներ է․ — կը յայտնէ ԻՌՆԱ-ն:

Անկարայի միջազգային օդանաւակայանին մէջ լրագրողներուն հետ ճեպազրոյցի ժամանակ, ան անդրադարձեր է Դամասկոսեան իր հանդիպումներուն:

«Կայացած հանդիպումներն արդիւնաւետ էին: Պէտք է առանձնացնեմ յատկապէս նախագահ Ասադի հետ հանդիպումը»,- ըսեր է ան:

«Թիւրքիա այցիս ընթացքին նոյնպէս պիտի քննարկենք տարածաշրջանային իրադարձութիւններն ու զարգացումները: Յատկապէս պիտի անդրադառնանք Սուրիոյ եւ Հիւսիսային Ափիրկէյի վիճակներուն, պիտի քննարկենք նաեւ երկկողմ յարաբերութիւններու ընթացքը»,- ըսեր է Զարիֆը՝ աւելցնելով. «Մենք շահագրգիռ ենք, որ Սուրիական ճգնաժամը կարգաւորուի՝ տարածաշրջանի երկիրներուն միջեւ երկխօսութեան միջոցով»:

Input your search keywords and press Enter.