Ներողութիւն հայցեցէք հայ-ժողովուրդէն. Իրաքի Կրօնական ազգային խորհուրդի նախագահը՝ Թիւրքիային

Ապրիլի 15-ին Իրաքի մէջ ՀՀ դեսպան Հրաչեայ Փոլադեանը դեսպանատան մէջ ընդունեց Իրաքի Կրօնական ազգային խորհուրդի նախագահ Շէյխ Յուսէֆ ան-Նասրիին, Իրաքի կառավարութեան կից Համակեցութեան եւ համայնքային խաղաղութեան մշտական յանձնաժողովի անդամներուն, ինչպէս եւ անոնց ուղեկցող հոգեւորականներու պատուիրակութիւնը։

Ինչպէս «Հայերն այսօր»-ին կը յայտնեն ԱԳՆ մամուլի ծառայութենէն, հանդիպման ընթացքին մահմետական հոգեւոր առաջնորդները ներկայացուցին Իրաքէն ներս ազգային եւ կրօնական միջհամայնքային փոքրամասնութիւններու համագործակցութեան ամրապնդմանն ուղղուած աշխատանքները՝ ընդգծելով իրաքահայ համայնքի եւ Հայ Առաքելական եկեղեցիի Իրաքի թեմի անգնահատելի դերն այս գործին՝ յատկապէս պատերազմական եւ անոր յաջորդած ժամանակահատուածին։

Հոգեւոր առաջնորդներուն հետ հանդիպման քննարկուեցան նաեւ Հայոց դէմ կատարուած ցեղասպանութեանն առնչուող հարցեր։ Իրաքի Կրօնական ազգային խորհուրդի նախագահ Շէյխ Յուսէֆ ան-Նասրին՝ խստօրէն դատապարտելով Օսմանեան կայսրութեան տարածքին իրականացուած անմարդկային ոճրագործութիւնը, ընդգծեց, որ թրքական ներկայ իշխանութիւնները, յանուն իրենց սերունդներուն՝ պէտք է հայ ժողովուրդի ներողամտութիւնը հայցեն կատարուածին համար։

Input your search keywords and press Enter.