Արցախի արդիւնաբերական արտադրանքն աճեր է 29 %-ով

Անցեալ տարի Հանրապետութեան մէջ թողարկուեր է շուրջ 125 միլիարդ դրամի արդիւնաբերական արտադրանք` նախորդ տարուայ նկատմամբ ապահովելով աւելի քան 29 տոկոս աճ:

  «Արցախպրես»-ի թղթակիցի հաղորդմամբ՝ ասոր մասին այսօր, Ապրիլի 17-ին, Խորհրդարանի լիագումար նիստին ժամանակ ըսեր է Արցախի Հանրապետութեան Նախագահ Բակօ Սահակեանը եւ աւելցուցեր է, թէ մեր տնտեսութեան կարեւոր հիմքերէն է արդիւնաբերութիւնը:

 «Արդիւնաբերական արտադրանքի կառուցուածքին, ինչպէս եւ նախորդ տարի, գերակշիռ մաս կազմած է հանքագործական արդիւնաբերութիւնն ու բաց հանքերու շահագործման բաժինը` աւելի քան 55 տոկոս, մշակող արդիւնաբերութիւնը կազմեր է մօտ 23 տոկոս, էլեկտրաէներգիայի, գազի ու ջուրի մատակարարումը` շուրջ 22 տոկոս: Արդիւնաբերութեան ոլորտի գործող կազմակերպութիւններուն թիւը աւելցեր է 21-ով` կազմելով 416, իսկ աշխատողներու թուաքանակը աճեր է 200-ով՝ կազմելով 6518»,- նշեր է Բակօ Սահակեանը:

Input your search keywords and press Enter.