Իտալիոյ Պատգամաւորներու պալատին մէջ տեղի ունեցեր է Հայերու դէմ կատարուած ցեղասպանութեան առնչութեամբ համաժողով

Իտալիոյ Պատգամաւորներու պալատի «Սալվադորի» սրահին մէջ  տեղի ունեցեր է «Մեծ Եղեռն. Հայերու դէմ կատարուած ցեղասպանութենէն մեկ դար անց» խորագիրով համաժողովը՝ կազմակերպուած Պատգամաւորներու պալատի Իտալիա-Հայաստան խորհրդարանական բարեկամութեան խումբի անդամներուն կողմէ։

Ինչպէս «Արմենպրես»-ին յայտնեցին ՀՀ ԱԳՆ լրատւութեան եւ հանրային դիւանագիտութեան վարչութենէն, համաժողովին ողջոյնի խօսքով հանդէս եկեր է  Իտալիոյ մէջ ՀՀ դեսպան Վիկտորիա Բաղդասարեանը՝ շնորհակալութիւն յայտնելով պատգամաւորներուն, Ապրիլի 10-ին Պատգամաւորներու պալատին մէջ Հայերու դէմ կատարուած ցեղասպանության ճանաչման վերաբերեալ որոշման ընդունման համար։ Դեսպանը նշեր է, որ Հայերու դէմ կատարուած ցեղասպանութեան միջազգային դատապարտման ու ճանաչման գործընթացը շարունակական է, ինչը պէտք է լուրջ ազդակ ըլլայ առ այն, որ այդ հարցին ժխտողական կեցուածքը ոչ մէկ ձեւով չի տեղաւորուիր 21-րդ դարի արժեհամակարգային իրողութիւններէն ներս:

Ան աւելցուցեր է, որ այս քայլով Իտալական կողմը վերահաստատեց ՄԱԿ-ի Ցեղասպանութեան յանցագործութիւնը կանխելու եւ անոր պատժելիութեան մասին պայմանադրութեամբ ստանձնած իր յանձնառութիւնները, պարտաւորութիւններն ու հաւատարմութիւնը համամարդկային արժէքներուն։

Input your search keywords and press Enter.