Այսօր եզդիներու «Չարշեմա Սոր» տօնն է

Կարին — Եզդիները կը տօնեն «Չարշեմա Սոր» տօնը, որ կը նշանակէ Աշխարհի վերափոխման տօն։ Այս տօնին առիթով իր շնորհաւորանքը յղած ԺԴԿ-ն (HDP) նշեր է․ «Կը ցանկանանք, որ այս տարուայ տօնը պատճառ հադիսանայ ԴԱԷՇ-ի գերեւարութեան տակ գտնուող բոլոր եզդի կանանց և երեխաներու ազատութեանն ու մարդկութեան թշնամի՝ Սելեֆիական բարբարոսներու պարտութեան։

Այս տօնը կը նշուի Միջագետքի աշխարհագրական տարածքին՝ Ապրիլի 13-էն յետոյ եկող առաջին Չորեքշաբթի օրը։ Աշխարհը խմորուելով՝  սկիզբ կը դնէ բնութեան վերածնունդին, նոր տարուայ բարի օրերուն՝ ատելութեան եւ ոխի փոխարէն խաղաղութեան եւ եղբայրութեան  հաստատման համար: Խորհրդանշելով կեանքի աղբիւրը՝ «Չարշեմա Սորի» տօնին հաւկիթներ կը ներկուին կարմիր գոյնով։

«Չարշեմա Սոր»-ի այլ անուանումներն են Կարմիր Չորեքշաբթի, Çarşema Serê Nîsanê։ Եզդի ժողովուրդին կողմէ ան ընդունուած է որպէս նոր տարուայ սկիզբ, գարնան սկիզբ։ Ըստ եզդիական համայնքի դիցաբանութեան՝ սա միաժամանակ կը համարուի թէ՛ տիեզերքի եւ թէ՛ աշխարհի վերափոխման օր։ Ինչպէս նաեւ տիեզերքի հետ՝ խմորման ընթացքին սուրբ հողերուն հանդիպելու օր։ Ըստ անոնց՝ այդ սուրբ օրը աշխարհին կ՛իշխէ միայն բարին, Աստուծոյ կողմէ կը վերանայ չարը եւ կը ստեղծուի բարին։ Եզդիները կ՛ընդունին զայն որպէս հզոր ուժի օրհնութիւն՝ մարդկութեան և բնութեան վրայ։ Այս օրուան շնորհիւ՝ հեռու կը մնան փորձանքէն, իսկ արդէն առկայ խնդիրներն ու վէճերը կը հարթուին հաշտեցման միջոցով։

Բոլոր եզդիներու միտքին՝ Ապրիլ ամիսը կը համարուի բոլոր ամիսներու հարսնացուն, իսկ քննութիւն յանձնած ու Աստուծոյ հաւանութեանն արժանացած ամիսներէն ամենափառաւորուածն է։ «Չարշեմա Սորը» բարութեան, սիրոյ եւ գեղեցկութեան ուժի բացարձակ յաղթանակի, իսկ չարութեան ու փորձանքի պարտութեան օրն է։ Հետեւաբար խորհրդանշական է ընկերային կեանքի,  եղբայրութեան եւ խաղաղութեան կարեւորութիւնը։

Տարիներու ընթացքին բռնութիւններէ եւ վայրենութենէ զերծ մնալու համար՝ ստիպուած իրենց հայրենի բնակավայրերը լքած, անմարդկային, վրանային պայմաններու տակ ապրող տարաբախտ եզդի ժողովուրդին կը մաղթենք շուտափոյթ վերադարձ եւ խաղաղ կեանք՝ իրենց հայրենի հողերուն վրայ։ Մենք կոչ կ՛ընենք ողջ մարդկութեան՝  դէմ դուրս գալու եզդիներուն դէմ յայտարարուած հրամանագիրներուն եւ զգայնութիւն ցուցաբերել  բնաջնջման 73-երորդ փորձին հադէպ: Շնորհաւորելով «Չարշեմա Սոր» տօնը՝ մենք յուսով ենք, որ Միջին Արեւելքի ժողովուրդները, յատկապէս եզդի ժողովուրդը, կապրին ազատ, հաւասար եւ խաղաղ պայմաններու մէջ։ Շնորհաւոր հինաւուրց եզդի ժողովուրդի տօնը»:

Input your search keywords and press Enter.