Ֆրանսայի վարչապետ Էդուարդ Ֆիլիպը պատասխանատու է Ապրիլի 24-ի մասին նախագահի հրամանագիրի կատարման համար

ԱՐԵՒՄՏԵԱՆ ՀԱՅԱՍՏԱՆ — Ինչպէս կը նշուի Ֆրանսայի նախագահի հրամանագիրի 3-րդ յօդուածով, Ապրիլի 24-ը սահմանուած է ըլլալու Ազգային յիշատակութեան օր՝ նուիրուած Հայոց դէմ կատարուած ցեղասպանութեան զոհերու յիշատակին, ուստի եւ երկրի Վարչապետը պատասխանատու է հրամանագիրը կատարելու համար, որով Ֆրանսայի մէջ յիշատակելով Ապրիլի 24-ը պաշտօնականօրէն եւ ազգայնօրէն՝ կը բիւրեղացուի պատմական իրողութեան ծաւալը:

Այնուամենայնիւ, ինչպէս նշուած է սոյն հրամանագիրի 2-րդ յօդուածով, թաղապետերու եւ Հանրապետութեան ներկայացուցիչներու մակարդակով, լիարժէք խորհրդակցութեամբ պիտի պատրաստուի արձանագրութիւնը, եւ այս կտրուածքով ալ՝ Արեւմտեան Հայաստանի Ազգային խորհուրդը Յիշատակի միջոցառման համար նախապատրաստութիւն տեսաւ, որ տեղի պիտի ունենայ ժամը 18:00-ին, Պատուական Հայր Կոմիտասի յուշարձանին առջեւ, Կանադայի հրապարակին մէջ:

Բացի այդ, Նախագահ Մակարոնի հրամանագիրով ստանձնուած պարտաւորութիւնը՝ այսօր Ֆրանսայի հայ բնակչութեան միասնականութեան բացառիկ առիթ է, որ պիտի ներկայացնէ ազգային բոլոր բաղադրիչները (Արեւմտեան Հայաստանի Հանրապետութիւնն ու Հայաստանի Հանրապետութիւնը), ինչպէս համայնքի կազմակերպութիւնները:

Այսօր կարելի է յատկորոշել, որ այս Արարողութիւնն իր չափանիշներով պաշտօնապէս միասնականութեան կը մղէ, եւ նախագահական կամքի ուժով վարագոյրը կը բացուի` նշելու պատմութիւնը, երկաթեայ ճշմարտութիւնն ու արդարութիւնը՝ յատկապէս Արեւմտեան Հայաստանի համար:

Իրապէս, 2019 թուականի Ապրիլ 24-ը պիտի ըլլայ եւ մնայ որպէս Պատմական Օր։

 

Input your search keywords and press Enter.