ՄԱԿ-ի մէջ տարածուեր է Արցախի Հանրապետութեան առաջին պարբերական զեկոյցը

Ապրիլի 18-ին Միացեալ Ազգերու կազմակերպութեան մէջ (ՄԱԿ) որպէս պաշտօնական փաստաթուղթ տարածուեր է «Քաղաքացիական եւ քաղաքական իրաւունքներու մասին» միջազգային դաշնագիրի դրոյթներու իրականացման վերաբերեալ Արցախի Հանրապետութեան (ԱՀ) առաջին պարբերական զեկոյցը:

Ինչպէս կը հաղորդեն ԼՂՀ ԱԳՆ-էն՝ զեկոյցը կր ներառնէ 1992-2018 թթ.-ներուն միջեւ ինկած ժամանակահատուածի դաշնագիրի դրոյթներու կատարման վերաբերեալ տեղեկատւութիւն՝ Արցախի մէջ մարդու իրաւունքներու եւ հիմնարար ազատութիւններու պաշտպանութեան, քաղաքացիական հասարակութեան զարգացման եւ ժողովրդավարութեան ամրապնդման ուղղութեամբ ձեռնարկուած քայլերուն եւ արձանագրուած ձեռքբերումներուն մասին:

ՄԱԿ-ի «Քաղաքացիական եւ քաղաքական իրաւունքներու մասին» միջազգային դաշնագիրին Արցախի Հանրապետութիւնը միացեր է 1992 թ.-ի Նոյեմբեր 26-ին՝ ԼՂՀ Գերագոյն խորհուրդի նախագահութեան որոշման հիման վրայ:

Զեկոյցը պատրաստուեչ է ԱՀ արտաքին գործոց նախարարութեան կողմէ՝ այլ գերատեսչութիւններու հետ համագործակցութեամբ, եւ հաստատուեր է Արցախի Հանրապետութեան կառավարութեան 2018 թ.-ի Դեկտեմբեր 7-ի որոշմամբ:

Զեկոյցն ամբողջութեամբ հասանելի է ՄԱԿ-ի պաշտօնական կայքէջին:

 

Input your search keywords and press Enter.