Ջաւախքի Դամալա գիւղին մէջ բացուեր է Արմաթ ինժեներական փորձարարական կեդրոն

Ապրիլի 20-ին Ասպինձայի քաղաքապետարանին ենթակայ հայաբնակ Դամալա գիւղին մէջ բացուեցաւ Վրաստանի տարածքին երրորդ «Արմաթ» ինժեներական փորձարարական կեդրոնը:

Ինժեներական փորձարարական կեդրոնի բացումը հնարաւոր դարձաւ «Ջաւախեթի հիմնադրամի» աջակցութեամբ:

Բացման արարողութեան ներկայ էին Վրաստանի մէջ Հայաստանի դեսպան Ռուբէն Սադոյեանը, Վրաստանի խորհրդարանի պատգամաւորներ` Հենզել Մկոյեանը, Սամուէլ Մանուկեանը, Գիա Գոգաձէն, «Աջակցութիւն Ջավախքին» հիմնադրամի ներկայացուցիչ Սօս Սահակեանը, գործադիր տնօրէն Սամուէլ Մկոյեանը, նորագոյն ինժեներական տեքնոլոգիաներու փորձարարական կեդրոնի ղեկավար Սեդրակ Վարդանեանը եւ այլ հիւրեր:

Բացման խօսքով Սօս Սահակեանը ողջունեց բոլոր հիւրերուն եւ շնորհաւորեց գիւղացիներուն` երեխաները կրթելու նոր հնարաւորութեան առթիւ:

Նշենք, որ տարբեր վայրերու մէջ կը գործեն աւելի քան 265 ինժեներական փորձակայաններ: Առաջին «Արմաթ”-ը Ջաւախքի մէջ բացուեր է անցեալ տարուայ Յունիսին՝ Ախալքալաքի մէջ, իսկ Նինոծմինդայի քաղաքապետարանին ենթակայ Հեշտիա գիւղին մէջ Վրաստանի տարածքին 2-րդ «Արմաթ» ինժեներական փորձակայանի պաշտօնական բացման արարողութիւնը տեղի ունեցաւ այս տարուայ Փետրուարին, Դամալա գիւղին մէջ բացուած «Արմաթ» փորձակայանը թիւով երրորդն է :

Input your search keywords and press Enter.