Պաշտպանութեան Բանակի շտաբին մէջ տեղի ունեցեր են հաւաք-պարապմունքներ՝ ՀՀ կառավարական պատուիրակութեան մասնակցութեամբ

Հայկական երկու հանրապետութիւններու պաշտպանութեան ոլորտի առկայ համագործակցութեան ծրագիրի շրջանակերուն մէջ, Ապրիլի 19-ին Արցախ ժամաներ են ՀՀ պաշտպանութեան նախարար Դաւիթ Տօնոյեանը, տարածքային կառավարման եւ զարգացման նախարար Սուրէն Պապիկեանը, Երեւանի քաղաքապետը, ՀՀ մարզպետները, պաշտպանութեան նախարարութեան եւ Զինուած Ուժերու Գլխաւոր Շտաբի ներկայացուցիչներ:

Ինչպէս յայտնեցին Արցախի Հանրապետութեան պաշտպանութեան նախարարութեան մամուլի ծառայութենէն՝ այցի ընթացքին հայկական երկու հանրապետութիւններուն միջեւ քաղաքացիական համակարգի պատրաստութեան եւ պաշտպանութեան ոլորտի փորձի փոխանակման ու փոխգործողութիւններու արդիւնաւետութեան բարձրացման շրջանակէն ներս՝  Ապրիլի 20-ին բանակի շտաբին մէջ տեղի ունեցեր են հաւաք-պարապմունքներ:

Այցին ընթացքին հայկական երկու հանրապետութիւններու ռազմական գերատեսչութեան ղեկավարները այցելեր են նաեւ ռազմական նշանակութեան ապրանքներ թողարկող արտադրամասեր:

Input your search keywords and press Enter.