Ֆրանսայի նախագահի եւ «Սուրիոյ դեմոկրատական ուժեր»-ու պատուիրակութեան հանդիպումը հարուցեր է Անկարայի զայրոյթը

Թիւրքիան դատապարտեր է Ֆրանսայի նախագահ Էմանուէլ Մակրոնին՝ Փարիզի Ելիսէյեան Պալատին մէջ «Սուրիոյ դեմոկրատական ուժեր» (SDF) խմբաւորման պատուիրակութիւնն ընդունելուն համար, մեղադրելով Փարիզին՝ «ահաբեկչական» խմբաւորմումին իրաւականութիւն տալուն համար:

Թիւրքիոյ արտաքին գործոց նախարարութեան մամլոյ քարտուղար Համի Աքսոյն իր յայտարարութեան մէջ նշեր է, որ Ֆրանսայի նախագահը «կը ձգտի արհեստական իրաւականութեան կարգավիճակ տալ ահաբեկիչներուն՝ հանդիպելով սոյն խմբաւորման հետ»:

Հանդիպման ժամանակ Մակրոնը յայտներ է իր  «գործուն աջակցութեան» եւ «Սուրիոյ մարդասիրական կարիքներուն եւ  քաղաքացիական բնակչութեան սոցիալ-տնտեսական կայունացման համար» ֆինանսական օժանդակութեան մասին:

Թրքական աղբիւրը, յղում ընելով քրդական աղբիւրներուն՝ կը նշէ, որ Մակրոնը ՍԴՈՒ-ին իր աջակցութիւնը յայտներ է Սուրիոյ մէջ ահաբեկչական կազմակերպութիւններուն դէմ պայքարին։ Ֆրանսայի նախագահը կարեւորեր է Սուրիոյ մէջ կայունութեան հաստատումը։

CNews հեռուստաընկերութեան եթերով Ֆրանսայի Եւրոպական հարցերով նախարար Նաթալի Լուազոն յայտարարել է. «Ներկայիս մենք ի հարկէ կը շարունակենք մնալ Սուրիոյ մէջ»:

Ֆրանսան ԱՄՆ-ի ղեկավարած «դաշնութեան» անդամ է, որ 2014-էն սկսեալ օդային յարձակման կ՛ենթարկէ Իրաքի եւ Սուրիոյ ներսը գտնուող Դաէշի թիրախները: Ան նաեւ զէնք մատակարարեր է Սուրիոյ նախագահ Բաշշար ալ-Ասադի կառավարութիւնը տապալելու համար պայքարող մարտիկներուն:

Input your search keywords and press Enter.