Reuters.«Անկարան կը քննարկէ S-400-ներու մատակարարման յետաձգումը»

Թիւրքիոյ եւ ԱՄՆ-ի միջեւ ճգնաժամային լարուածութիւն յառաջացուցած ռուսական S-400 ՀՕՊ համակարգերուն հարցը կը շարունակէ առկայ մնալ բանակցութիւններու մէջ: Թիւրքիոյ կողմէ S-400-ներու գնման գործարքին շուրջ ստեղծուած փակուղիէն դուրս գալու համար՝ բանակցութիւններ կ՛ընթանան։

Ըստ «Reuters» գործակալութեան՝ Թիւրքիան ԱՄՆ-ի պահանջով համաձայներ է յետաձգել S-400 ՀՕՊ համակարգերու մատակարարումը։

Աւելի վաղ թիւրք պաշտօնեաները յայտներ էին, որ Ռուսաստանէն գնուած  S-400 ՀՕՊ համակարգերը պիտի մատակարարուին 2019 թուականի Յուլիսին։

Ըստ համացանցով շրջանառուող որոշ տեղեկութիւններու՝ ԱՄՆ-ը Թիւրքիայէն պահանջեր է մատակարարումը յետաձգել մինչև 2020թ.:

Թիւրքիան ԱՄՆ-ին առաջարկեր էր ստեղծել համատեղ աշխատանքային խումբ՝ գնահատելու S-400 եւ F-35-ներու վտագները, սակայն ԱՄՆ-ը մերժեր էր այդ առաջարկը։

Input your search keywords and press Enter.