Մայիսի 18-ին Հայաստանի եւ Արցախի 100-էն աւելի թանգարաններու մուտքն անվճար պիտի ըլլայ

Մայիսի 18-ին պիտի նշուի Թանգարաններու միջազգային օրը եւ Թանգարաններու գիշեր համաեւրոպական միջոցառումը, որն այս տարի Հայաստանի մէջ տեղի կ՛ունենայ արդէն 16-րդ, իսկ Արցախի մէջ՝ 7-րդ անգամ, ներգրաւելով 100-էն աւելի թանգարաններ: Ասոր մասին կը յայտնեն ՀՀ մշակոյթի նախարարութենէն։

Թանգարաններու միջազգային օրը մեր հասարակութեան ամենասպասուած տօներէն է: Այս տարի ալ Հայաստանի եւ Արցախի թանգարաններն այցելուներուն պիտի ներկայանան բազմաբովանդակ ծրագիրներով՝ բացայայտելով նոր էջեր  հաւաքածուներու եւ պատմամշակութային հարուստ ժառանգութեան մասին։

Մայիսի 18-ին` ժամը 11:00-էն 24:00-ը Հայաստանի եւ Արցախի 100-էն աւելի թանգարաններու դուռերը անվճար բաց պիտի ըլլան հասարակութեան համար:

Մայիսի 18-ին Երեւանի Մետրոպոլիտենը պիտի աշխատի մինչեւ ժամը 01:00-ը:

Այդ օրուայ միջոցառումներուն ցանկը ներկայացուած է մշակոյթի նախարարութեան կայքով։

 

Input your search keywords and press Enter.