Թիւրքիոյ կախեալ վիճակը Եւրոպայէն

Ըստ  Ouest – France-ի՝ Եւրոպական յանձնաժողովը «կանանչ լոյս» տուեր է երկրորդ ֆինանսական 3 միլիարդ եւրոյի փաթեթին՝ Թիւրքիոյ մէջ Սուրիացի փախստականներուն օգնելու համար,  ինչպէս խոստացեր էր երկու տարի առաջ՝ համաձայն ԵՄ-ի եւ Անկարայի միջեւ վիճահարոյց գաղթի համաձայնագիրին։

Առաջին փաթեթի 3 միլիարդ եւրոյէն, որ յատկացուեր է տասնեակ ծրագիրներու համար, Եւրոպական գործադիրը «այսօր կը սկսի նոյն գումարի երկրորդ բաժնեմասի գործարկման», «Թիւրքիոյ մէջ փախստականներուն օգնելու համար», նշեր է ան:

Այնուամենայնիւ, Եւրոմիութեան գործադիրը դեռ պէտք է համաձայնութիւն ձեռք բերէ անդամ պետութիւններէն 2016թ․-ի Մարտ ամսի համաձայնագիրի շրջանակներէն ներս Եւրոմիութեան կողմէ Թիւրքիային խոստացած միջոցներու ծագման մասին` ուղղուած  յունական ափեր գաղթողներու զանգուածային հոսքը կասեցնելուն։

«Յանձնաժողովին համար ակնյայտ է, որ մենք պէտք է պահենք նոյն բաժինը, ինչպէս առաջին բաժնեմասի պարագային էր, մնացածը, անդամ պետութիւններէն», ասոր մասին լրագրողներուն յայտներ է գեղթերու հարցերով  Եւրոպական յանձնակատար Դիմիտրիս Աւրամպուլոսը:

Արդե՞օք 70 նախագիծներ պիտի ֆինանսաւորուին առաջին 3 միլիարդով։

Առաջին 3 միլիարդ Եւրոն յատկացուեր է կրթութեան ոլորտի աւելի քան 70 ծրագիրներուն կամ Թիւրքիոյ մէջ աւելի քան 3 միլիոն Սուրիացի փախստականներու առողջութեան համար: Յանձնաժողովի տուեալներով՝ 2017 թուականի Դեկտեմբերի աւարտի դրութեամբ՝ փաստացի վճարուեր է 1,85 միլիարդ:

«Կրնամ վստահեցնել, որ այդ գումարը փոխանցուեր է», — ըսեր է Աւրամպուլոսը, մինչդեռ Թիւրքիան բազմիցս քննադատեր է Եւրոպացիներու խոստացած ֆինանսական օգնութեան դանդաղեցումը։

«Այժմ մենք նմանատիպ բիւջէտ ունենք», — աւելցուցեր է ան: ԵՄ-ի հետ  2016թ․-ի Մարտի պայմանագիրով Թիւրքիան սահմանափակեր է Էգէյեան ծովով անցումները եւ համաձայներ, որ ԵՄ-ը ետ ուղարկէ Յունաստան ժամանած բոլոր նոր գաղթականները, նոյնիսկ ապաստան հայցողներուն։

Իր հերթին, համաձայնագիրը կը նախատեսէր, որ «Յունական կղզիներէն իւրաքանչիւր Սուրիացիի Թիւրքիա վերադարձին հետ մէկտեղ՝ մէկ այլ Սուրիացի Թիւրքիայէն պիտի տեղափոխուի ԵՄ»: Եւրոպացիները նաեւ խոստացեր են տրամադրելու 3 միլիարդ եւրո  2016 եւ 2017 թուականներուն Թիւրքիոյ մէջ փախստականներու ընդունման բարելաւման համար ուղղուած ծրագիրներու ֆինանսաւորման, ինչպէս նաեւ յաջորդ երկու տարիներուն համար նոյն գումարի «լրացուցիչ ֆինանսաւորում»-ը՝ պայմաններու համաձայն։

Համաձայնագիրը չի նախատեսեր աջակցութիւն ցուցաբերել Սուրիոյ հողին եւ յատկապէս Իդլիբի եւ Աֆրինի մէջ գտնուող ծայրայեղականներուն օգնութիւն ցուցաբերելու համար, բայց ո՞վ պիտի զայն ստուգէ:

Իսկ պատերազմը կը շարունակուի․․․․

http://www.western-armenia.eu/news/Actualite/2019/Lettre-ouverte-aux-candidats-aux-elections-europeennes-14.05.19.pdf

WAN

Input your search keywords and press Enter.