Նիկոլ Փաշինեանը հանդիպեր է Սի Ծինփինին

Աշխատանքային այցով Չինաստանի Ժողովրդական Հանրապետութիւն գացած վարչապետ Նիկոլ Փաշինեանը Ժողովրդական ներկայացուցիչներու պալատին մէջ հանդիպում ունեցեր է ՉԺՀ նախագահ Սի Ծինփինին հետ:

«Մենք հայ ժողովուրդին լաւ կը ճանչնանք, մեզի յայտնի են Արամ Խաչատրեանի, Արտեմ Միկոյեանի, Յովհաննէս Թումանեանի անունները: Մեզ կը միաւորեն քաղաքակրթութիւններու համագործակցութեան ընդհանուր նպատակները: Մենք քաջածանօթ ենք Հայաստանի պատմական նշանակալի իրադարձութիւններուն: Համոզուած ենք, որ ապագային պիտի բացառուին հայ ժողովրդին հետ տեղի ունեցած ողբերգական դէպքերը»,- ըսեր է Սի Ծինփինը:

Երկու պետութիւններու ղեկավարները հեռանկարային համարեր են համագործակցութեան զարգացումը գիւղատնտեսութեան, փոխադրամիջոցներու, էներգետիկայի, տեղեկատուական տեքնոլոգիաներու, ենթակառուցուածքներու, կրթութեան եւ այլ ոլորտներէն ներս:

Կողմերը պայմանաւորուեր են յետագայ համագործակցութեան քայլերը քննարկելու գերատեսչութիւններու մակարդակով:

Հանդիպման ընթացքին զրուցակիցները անդրադարձեր են նաեւ Ղարաբաղեան հակամարտութեան եւ նշեր են, որ հիմնախնդիրը պէտք է կարգաւորուի երկխօսութեան ճանապարհով:

ՉԺՀ նախագահը միաժամանակ աւելցուցեր է, որ իր երկիրը յետագային եւս աջակցութիւն պիտի ցուցաբերէ այնպիսի նախագիծերու, որոնք կը նպաստեն Հայաստանի զարգացմանն ու հայ ժողովուրդի բարեկեցութեան բարձրացման:

Input your search keywords and press Enter.