Սուրիոյ հայ համայնքը պիտի շարունակէ վայելել պետութեան զորակցութիւնը. նախագահ Ասադ

Արամ Ա․ Վեհափառ Հայրապետը Դամասկոսի նախագահական ապարանքին մէջ հանդիպեր է Սուրիոյ Հանրապետութեան նախագահ Բաշշար ալ Ասատին։ Հանդիպումը նուիրուեր է Սուրիոյ ներկայ կացութեան եւ երկրի հայ համայնքին առնչուող  հարցերուն եւ ծրագիրներու քննարկման։ Նախագահ Ասադը մասնաւորապէս կոչ ուղղեր է Սուրիահայերուն՝ որոնք պայմաններու բերումով հեռացեր են երկիրէն, շուտով վերադառնալու եւ վերականգնելու իրենց տուներն ու գործատեղիները, վստահեցնելով, որ Սուրիոյ հայ համայնքը պիտի շարունակէ վայելել պետութեան զօրակցութիւնը։ Ասոր մասին «Արմենպրես»-ը տեղեկացած է Մեծի Տանն Կիլիկիոյ կաթողիկոսութեան պաշտօնական կայքէն։

Վեհափառ Հայրապետը յիշեցուցած է, որ հայ ժողովուրդին համար՝ Հայաստանի թէ Սփիւռքի մէջ, Սուրիոյ հայ համայնքը կարեւոր է թէ՛ քաղաքական, թէ՛ մշակութային եւ թէ՛ պահանջատիրական իմաստով։ Ան նաեւ իր գնահատանքը յայտներ է Սիւրիոյ պետութեան եւ ժողովուրդին՝ հայ դատին նկատմամբ իրենց ցուցաբերած ամբողջական զօրակցութեան համար։

Նախագահն իր կարգին ողջունելով Նորին Սրբութեան այցելութիւնը՝ իր բարձր գնահատանքը յայտներ է Սուրիոյ հայութեան նկատմամբ, հայերը նկատելով համահաւասար քաղաքացիներ, Սուրիային կապուած նոյն պարտաւորութիւններով ու իրաւունքներով։

 

Input your search keywords and press Enter.