Եթէ Թիւրքիան այսպէս շարունակէ, տնտեսական պատժամիջոցներ կը կիրառուին․Ցիպրաս

Կիլիկիա — Յունաստանի վարչապետ Ալեքսիս Ցիպրասն ըսեր է, որ եթէ Թիւրքիան շարունակէ բնական գազ որոնել Արեւելեան Միջերկրական ծովուն մէջ, ապա անոր հանդէպ կը կիրառուին տնտեսական պատժամիջոցներ։

Ըստ Euronews-ի թիւրքերէնի փոխանցման, Ցիպրասը հարցազրոյց ունեցեր է “Ալֆա” լրատուական գործակալութեան հետ եւ յայտարարեր է․”Եթէ այս ռազմավարութիւնը շարունակուի, ապա կը կիրառուին ֆինանսական կանխարգելիչ գործողութիւններ եւ պատժամիջոցներ։  Թիւրքիան պարտաւոր է յարգելու միջազգային իրաւունքներն ու պայմանագիրները, եւ պէտք է նստի երկխօսութեան սեղանի շուրջ”։

Եւրոպական Միութեան արտաքին գործոց եւ անվտանգութեան քաղաքականութեան բարձրագոյն ներկայացուցիչ Ֆեդերիկա Մոգերինին էլ Euronews-ի թղթակիցի հարցին պատասխաներ է․«Մենք կոչ կ՛ընենք Թիւրքիային՝ յարգելու Կիպրոսի ինքնիշխանութեան իրաւունքները »:

Մոգերինին աւելցուցեր է․ «Թիւրքիան պէտք է իմանայ, որ Եւրոպական Միութիւնը լիարժէք համերաշխ է Կիպրոսի հետ եւ անհրաժեշտութեան պարագային կ՛արձագանքէ պատշաճ ձեւով, ուստի պէտք է խուսափի որեւէ տեսակ ապօրինի գործողութիւններէ»:

Թրքական իշխանութիւնները յայտարարեր էին, որ Մայիսի սկիզբը պիտի սկսին հորատման աշխատանքները եւ այդպէս պիտի շարունակեն մինչեւ Սեպտեմբեր:

Input your search keywords and press Enter.