Իդլիբ / Համա. Սուրիական բանակը գրաւեր է երեք բնակավայր եւ մէկ օդանաւակայան

ԿԻԼԻԿԻԱ — Ռուսաստանի նախագահ Վլադիմիր Պուտինն իր թիւրք գործընկերոջ հետ հեռախօսազրոյցէն կարճ ժամանակ անց Սուրիոյ հիւսիսարեւելեան մասին գտնուող թրքամէտ ահաբեկիչներու դիրքերուն դէմ ռազմական գործողութիւններու նոր ալիք սկսելու  հրաման տուեր է։

Այս ամենը կը վկայէ այն մասին, որ Թիւրքիան կը սկսի ուժասպառ ըլլալ եւ հրաժարիլ Իդլիբի մէջ եւ անոր շրջակայքին տարիներ շարունակ իր աջակցութիւնը ստացող ահաբեկիչներէն: Շարունակելով երկրի հիւսիսային եւ հիւսիս-արեւելեան հատուածներուն գործող թրքամէտ ահաբեկիչները դուրս բերելու գործողութիւնները՝ Սուրիական բանակի զօրքերը ետ մղեր են Ալ-Նուսրա ճակատի ահաբեկիչներուն Իդլիբ նահանգի հարաւին գտնուող Խան Շեյխուն եւ ալ- Հոբետ առանցքներուն վրայ։

Սուրիական բանակը հաւասարապէս ետ վերցուցեր է ալ-Հուվայզ, ալ-Մուհաջիրին, ալ-Համրա բնակավայրերը, ինչպէս նաեւ Համա նահանգի ալ-Շարիա օդանաւակայանի վազքուղին:

Ահաբեկիչներուն դէմ ճակատամարտէն ետք, Սուրիական բանակն յւաջողեր է իր ազդեցութեան տակ վերցնելու երկու տեղանքի վերահսկողութիւնը:

Սուրիական բանակը նաեւ կը փորձէ գրաւել Ալ-Հուվէյզ քաղաքը` Իդլիբ-Համա առանցքին իր ներկայութիւնը ամրապնդելու համար:

Տարածաշրջանին ահաբեկիչներու դէմ յարձակումները ուժեղացնելու նպատակով Սուրիոյ եւ Ռուսաստանի օդային ուժերը Իդլիբ նահանգին ծանր օդային հարուածներ հասցուցեր են։

Ըստ Al Masdar News-ի՝  ռուսական ռազմաօդային ուժերն առաջին անգամ յարձակման ենթարկեր են Համայի վերջին ահաբեկչական դիրքերը՝ հարուածներ հասցնելով Ալ-Հոբեթի եւ Թալ Սախերի քանի մը վայրերուն:

 

 

Input your search keywords and press Enter.