Այսօր ԵՊՀ-ի 100 ամեակն է

1919 թուականի Մայիս 16-ին Հայաստանի Հանրապետութեան նախարարներու խորհուրդը ընդուներ է Երեւանի մէջ համալսարան հիմնելու վերաբերեալ որոշումը։ 1920 թ․-ի Յունուար 31-ին Ալեքսանդրապոլի (այժմ՝ Գիւմրի) առեւտրային դպրոցի շէնքին մէջ մեծ շուքով կատարուեր է Հայաստանի համալսարանի բացման հանդիսաւոր արարողութիւնը, որուն մասնակցեր են ինչպէս հանրապետութեան ղեկավարները, այնպէս ալ՝ բազմաթիւ հիւրեր արտասահմանէն։ Համալսարանի դասերու մեկնարկը տրուեր է նշանաւոր հայագէտ Ստեփան Մալխասեանցի՝ 1920 թուականի Փետրուար 1-ին կարդացած դասախօսութեամբ։

Մինչ օրս ԵՊՀ-ն տուեր է 100 հազարէն աւելի շրջանաւարտ։ Համալսարանէն ներս այսօր գործող 19 ֆակուլտետներուն մէջ կը մասնագիտանան շուրջ 20 հազար ուսանողներ։

Անցնող 100 տարիները եղեր են հայկական գիտութեան եւ կրթութեան բեղուն ժամանակաշրջանը, եւ այդ գիտակրթական գործին անգնահատելի է Մայր բուհի դերը:

Input your search keywords and press Enter.