Եւրոպայի առաջնութիւնը Արցախի մէջ, եւ Արեւմտեան Հայաստանը

ԱՐԵՒՄՏՅԱՆ ՀԱՅԱՍՏԱՆ — CONIFA-ի նախագահ Ալբերտօ Ռիսկիոն պաշտօնապէս հրաւիրեր է Արեւմտեան Հայաստանի նախագահ Արմենակ Աբրահամեանին՝ մասնակցելու Արցախի մէջ կայանալիք CONIFA-ի Եւրոպայի ֆուտբոլի առաջնութեան հանդիսաւոր բացման արարողութեան:

Միջոցառումը տեղի պիտի ունենայ 2019 թ.-ի Յունիսի 1-էն մինչեւ Յունիսի 9-ն: Համաձայն աղիւսակին՝ Արեւմտեան Հայաստանի ընտրանին խմբային փուլով պիտի մրցի Հարաւային Օսիայի,  Սեկէյեան երկրամասի եւ Պադանիայի հետ։

Նախագահ Արմենակ Աբրահամեանը շնորհակալութիւն յայտնելով  ԿՈՆԻՖԱ-ի Եւրոպայի նախագահ Ալբերտօ Ռիսկիոյին` զբաղուած ըլլալով հանդերձ, ամեն ինչ  պիտի ընէ, որպէսզի դրական պատասխան տայ այս հրաւէրին:

«Սա միջոց մըն է՝ ամբողջ աշխարհին ցոյց տալու, որ սպորտը՝ այս պարագային ֆուտբոլը, կը համարուի Հայաստանի բոլոր բաղադրիչները միաւորելու ուղեցոյցը: Արցախը այն հողն է, զոր ես շատ լաւ գիտեմ, իսկ Արցախցիները մեր ժողովուրդի մէկ մասնիկն են, որոնց ես ալ աւելի լաւ գիտեմ։ Ինչպէս կ՛ըսուի, լեռները իրարու չեն հանդիպիր, սակայն  Հայաստանի մէջ ամեն բան հնարաւոր է․ աւելցուց Արմենակ Աբրահամեանը»։

Արեւմտեան Հայաստանի ազգային հաւաքականը լիովին պատրաստ է մրցաշարին, սակայն պայքարը դժուար պիտի ըլլայ։ Միակ դատաւորը՝ լեռան ոգին պիտի ըլլայ․ բոլոր թիմերը պէտք է հաշուի առնեն այս վճռորոշ գործօնը:

Կարելի է հաստատել որ CONIFA-ի շնորհիւ շատ հին ժողովուրդներ՝ որոնցմէ են  մարզադաշտին հանդէս եկողներն ու ներկաներր, ցանկութիւն կը յայտնեն հաստատելու իրենց գոյութիւնը եւ այդպիսով ապացուցելու որ իրենք արդէն յաղթական են։

Input your search keywords and press Enter.