Նախագահ Արմենակ Աբրահամեանն ու վարչապետ Գառնիկ Սարգիսեանը մասնակցեցին Լէոնիդ Ազգալդեանի անուան յուշամեդալի յանձնման արարողութեան

Մայիսի 30-ին Էջմիածինի մէջ Ազատագրական բանակի հիմնադիր Յովսէփ Յովսէփեանի եւ Ազատագրական բանակի հրամանատարի տեղակալ գնդապետ Վոլոդիա Աւետիսեանի նախաձեռնութեամբ տեղի ունեցաւ Լէոնիդ Ազգալդեանի անուան յուշամեդալի յանձնման արարողութիւնը։

Դիմելով հաւաքուած հիւրերուն, Յովսէփ Յովսէփեանը նշեց, որ պարգեւը կը յանձնուի Արցախեան ազատամարտի մասնակիցներուն եւ անոնց ովքեր հաւատարիմ են Լէոնիդ Ազգալդեանի պատգամին՝ Միացեալ Հայաստան ունենալուն։ Յուշամեդալներ յանձնուեցին ազատամարտիկներուն։ Զոհուած ազատամարտիկներու յուշամեդալները յանձնուեցին անոնց զաւակներուն։

 

Արեւմտեան Հայաստանի նախագահ Արմենակ Աբրահամեանը դիմելով ներկաներուն’ յայտարարեց․

-Ազատագրական բանակի իւրաքանչիւր անդամն իր մէջ կը կրէ Լէոնիդի ոգիին մէկ մասնիկը եւ անոր պատգամը։ Եւ ինչպէս պատգամեր է Լէոնիդը’ իր ոգիի մէկ մասնիկը կը տանինք Արեւմտեան Հայաստանը ազատագրելու։

Յովսփ Յովսէփեանը պարգեւատրեց նաեւ Արեւմտեան Հայաստանի վարչապետ Գառնիկ Սարգիսեանին՝ նշելով որ այն ճանապարհը, զոր գծեր էր հրամանատար Ազգալդեանը, այժմ մեծ պատուախնդրութեամբ կը կատարէ Վարչապետ Սարգիսեանի կառոյցը, օրակարգի վրայ պահելով Արեւմտեան Հայաստանի ազատագրման հարցը։

Իր շնորհակալական խօսքով, վարչապետ Գառնիկ Սարգիսեանը վերահաստատեց, որ այս յուշամեդալը վկայութիւնն է, որ պայքարը դեռ կը շարունակուի։

Input your search keywords and press Enter.