Դաւիթ Տօնոյեանն ընդուներ է «Բարձունք 5165» բարեգործական կազմակերպութեան ներկայացուցիչներուն

Մայիսի 29-ին ՀՀ պաշտպանութեան նախարար Դաւիթ Տօնոյեանն ընդուներ է «Բարձունք 5165» ֆրանսահայ բարեգործական կազմակերպութեան ներկայացուցիչները՝ Հայաստանի մէջ կազմակերպութեան նախագահ Յովսէփ Յովսէփեանի եւ Ֆրանսայի մէջ կազմակերպութեան նախագահ Ռոբերտ Ազիլազեանի գլխաւորութեամբ։

Պաշտպանութեան նախարարը շնորհաւորեր է հիւրերը’ Հանրապետութեան տօնին եւ «Բարձունք 5165» կազմակերպութեան 30 ամեակին առիթով, շնորհակալութիւն յայտներ է բազմամեայ հայրենանուէր գործունեութեան համար։ Դաւիթ Տօնոյեանը յատկապէս կարեւորեր եւ բարձր գնահատեր է Արցախեան ազատամարտի ընթացքին կազմակերպութեան աջակցութիւնը, ինչպէս նաեւ զոհուածներու եւ անյայտ կորածներու ընտանիքներուն, հաշմանդամներուն եւ ազատամարտի վետերաններուն ցուցաբերուող շարունակական աջակցութիւնը։

Հանդիպման ընթացքին քննարկուեր են «Բարձունք 5165» ֆրանսահայ բարեգործական կազմակերպութեան գործունէութեան ծրագիրները եւ պաշտպանութեան նախարարութեան հետ համագործակցութեան հնարաւորութիւնները։    

Input your search keywords and press Enter.