ԿԱՐԻՆ — Քեսապը բռնագրաւելէ ետք, ապա Աֆրինն ու Իդլիբը՝ Թիւրքիան սկսեցաւ ներխուժել 1921 թուականէն ի վեր Ատրպէյջանի կազմին բռնակցուած Նախճաւանի հայկական տարածք:

Միջազգային իրաւունքի ոտնահարումը կը շարունակուի՝ միջազգային հանրութեան գիտութեամբ ու անոր աչքին առջեւ, քանի որ ան թոյլ կուտայ զայն ընել:

Հայ ժողովրդի դէմ կատարած ցեղասպանութենէն, Արեւմտեան Հայաստանը բռնագրաւելէն ու հայկական մշակոյթը ոչնչացնելէն յետոյ (Ջուղայի խաչքարերը)՝ Թիւրքիան եւ Ատրպէյջանը ներկայիս Նախճաւանի մէջ կը զբաղին զօրավարժութիւններով: Այդ զօրավարժութիւնները ոչ միայն կը դատապարտուին Արեւմտեան Հայաստանի կողմէ, այլեւ կ՛անարգեն ՄԱԿ-ի Կանոնադրութիւնը:

«Անխախտ եղբայրութիւն 2019» անունով կնքուած սոյն մարտավարական զօրավարժութիւնը տեղի պիտի ունենայ Յունիսի 7-էն 11-ը, — կը հաղորդէ «Ազերթակ» պաշտօնական լրատուական գործակալութիւնը:

Մօտ 5000 զինուոր, աւելի քան 200 հրասայլ եւ զրահամեքենայ, մօտ 180 հրթիռ եւ տարբեր տրամաչափի հրետանային սարքեր, բազմաթիւ հրթիռային համակարգեր եւ հաւանգներ, 21 ինքնաթիռ, ուղղաթիռ, անօդաչու ինքնաթիռ եւ տարբեր զէնքեր ու արդիական ռազմական սարքեր ներգրաւուած են այդ զօրավարժութիւններուն:

Թիւրքիոյ ներխուժումը Նախճաւանի տարածք՝ չի կրնար կատարուիլ առանց նախապէս տեղեկացնելու Ռուսաստանին, որն ալ իր համաձայնութիւնը պէտք է տուած ըլլայ:

Ռուսական ազդեցութեան գօտիէն ներս այս ներխուժումն ու անոր հետեւանքները կը վերլուծուին:

Input your search keywords and press Enter.