Երեւանի մէջ մեկնարկեր է Արամ Խաչատրեանի 15-րդ միջազգային մրցոյթը

Յունիսի 6-ին` համաշխարհային ճանաչում ունեցող հայ կոմպոզիտոր Արամ Խաչատրեանի ծննդեան օրը, Երեւանի մէջ մեկնարկեց Խաչատրեանի 15-րդ  միջազգային մրցոյթը, որու նպատակն է բացայայտել շնորհալի երիտասարդ երաժիշտները։

«Արամ Խաչատրեան մրցոյթ» մշակութային հիմնադրամի տնօրէն Աննա Տէր-Յովակիմեանի խօսքով՝ մրցոյթը, որ կը ներկայացնէ հայ մեծանուն կոմպոզիտոր Արամ Խաչատրեանի արուեստը, այսօր, միանշանակ, իր ուրոյն տեղն ունի համաշխարհային մրցոյթներու ցանկին։

Խաչատրեան 15-րդ միջազգային մրցոյթն այս տարի ստացեր է 80-է աւելի մասնակցութեան յայտ, որոնցմէ ընտրուեր են 30-ը: Մասնակիցներուն մէջ կան թէ՛ հայեր, եւ թէ՛ այլ երկիրներէ ժամանած երաժիշտներ, ԱՄՆ-էն, Կանադայէն, Չինաստանէն, Ճապոնէն, Կորիայէն, Ուկրանիայէն, Ռուսաստանէն, Իտալիայէն եւ այլն:

Input your search keywords and press Enter.