Չինաստանի ԱԳՆ-ն հերքեր է Սինցզեանի մէջ մէկ միլիոն ույղուրներու ձերբակալման մասին տեղեկութիւնները

Չինաստանի Սինցզեան-Ույղուրեան ինքնավար շրջանին՝ այսպէս կոչուած «վերադաստիարակչական ճամբարներ»-ուն մէջ մինչեւ մէկ միլիոն ույղուրներու գտնուելուն մասին տուեալները կեղծ են, անոնք կը տարածեն «սառն պատերազմի» դարաշրջանի «զոմբիները», որոնք չեն ցանկանար տեսնել Չինաստանի զարգացումը: Ասոր մասին մամուլի ասուլիսին յայտարարեր է Չինաստանի Արտաքին Գործոց փոխնախարար Չժան Խանխուէյը, — կը հաղորդէ «ՌԻԱ Նովոստին»:

«Միջազգային հանրութեան որոշ անդամներ պարզապէս չեն ուզեր տեսնել Չինաստանի զարգացումը, անոնք Չինաստանի նկատմամբ անհիմն մեղադրանքներ կը ներկայացնեն, Չինաստանն ու անոր քաղաքականութիւնը վարկաբեկող յայտարարութիւններ կը տարածեն: Այդ մարդիկ սառն պատերազմի դարաշրջանի զոմբիներ են, անոնք մոռնալով էթիկայի դրոյթներուն մասին, կը դիմեն որեւէ անհիմն եւ յիմար պատմութիւններին եւ մեկնաբանութիւններին», — ըսեր է ան:

Լարուածութիւնն սկսեր էր այս տարուայ Փետրուարին, Թիւրքիոյ արտաքին գործոց նախարարութեան խօսնակ Համի Աքսոյի  այն յայտարարութենէն ետք, ուր ան չինական իշխանութիւններէն պահանջեր է փակել Չինաստանի մէջ առկայ որոշ ճամբարներ, որտեղ կը պահուին ույղուրական համայնքի մեծ թիւով ներկայացուցիչներ։

Input your search keywords and press Enter.