Իրանը սեփական արտադրութեան նոր ՀՕՊ համակարգ ներկայացուցեր է

Իրանի պաշտպանութեան նախարարութիւնը Կիրակի օր ներկայացուցեր է հակաօդային պաշտպանութեան իր համակարգը, որն ունակ է քանի մը թիրախ խոցել սեփական արտադրութեան «Սայյադ-3» հրթիռներով:

Ինչպէս կը հաղորդէ Tasnim գործակալութիւնը, միջոցառումը, որուն ներկայ գտնուեր է նաեւ երկրի պաշտպանութեան նախարար Ամիր Հաթամին, տեղի ունեցեր է Թեհրանի մէջ: Աղբիւրի տուեալներով՝ «Խորդադ-15» անուանումն ստացած ՀՕՊ համակարգը մշակուեր է իրանական պաշտպանական գերատեսչութեան փորձագէտներուն կողմէ եւ պաշտօնապէս փոխանցուեր է Իրանի բանակային ուժերուն:

Նախարարը տեղեկացուցեր է, որ նոր համակարգը կրնայ 150 կմ շառաւիղով յայտնաբերել տարբեր թիրախներ, ինչպէս ռազմական ինքնաթիռներ եւ անօդաչուներ եւ անոնց հետեւիլ 120 կմ հեռաւորութեամբ: Իրանական համակարգը կրնայ յայտնաբերել մինչև 85 կմ հեռաւորութեան վրայ գտնուող քողարկուած թիրախները եւ խոցել զանոնք 4 կմ հեռաւորութեամբ:

 

Input your search keywords and press Enter.