Հնարաւոր է, որ վերականգնուի Վանի հայկական Սուրբ Թովմաս վանքը, որ շարունակաբար ենթարկուեր է գանձագողերու աւերածութեան

Վանի Գեւաշ գաւառին ենթակայ Ալթընսաչ գիւղի մօտակայքին գտնուող 11-րդ դարուն կառուցուած Սուրբ Թովմաս հայկական վանքը կը շարունակուի ենթարկուիլ գանձագողերու պատճառած աւերին: Ասոր մասին կը հաղորդեն թիւրքական լրատուամիջոցները:

Աղբիւրի համաձայն` Գեւաշի գաւառապետ Մուրատ Սեզէրը նշեր է, թէ գանձ որոնողներու «անխղճութեան» հետեւանքով վանքը մեծ վնաս կրեր է եւ ենթակայ է վերականգման:

Ան նաեւ յայտներ է, որ սոյն եկեղեցին մինչեւ օրս բաւարար չափով ուշադրութեան չէ արժանացած պետութեան կողմէ եւ աւերակուած վիճակի մէջ է` պահպանման տակ գտնուած չըլլալուն պատճառով:

Տեղական իշխանութիւններու ցանկութիւնն ու խնդրանքն է, որ վանքը հնարաւորին չափով արագ վերանորոգուի, որպէսզի օտարերկրեայ զբօսաշրջիկները եւս կրնան հիանալ անով:

Յիշեցնենք, որ Արեւմտեան Հայաստանի աւերակուած վանքերն ու եկեղեցիները Թիւրքիոյ կողմէ խիստ հազուադէպ կը վերանորոգուին, առհասարակ տուեալ շրջաններուն եւս զբօսաշրջութիւնը զարգացնելու նկատառմամբ:

 

Input your search keywords and press Enter.