Կիպրոսի իշխանութիւնները Թիւրքիոյ հորատող նաւի աշխատակիցները ձերբակալելու կարգադրագիր տուեր են

Կիպրոսի Հանրապետութեան իշխանութիւնները Կիպրոսի մերձակայքին՝ առափնեայ ծանծաղուտները հորատելու եկած «Ֆաթիհ» թրքական հորատիչ նաւի անձնակազմի անդամները ձերբակալելու կարգադրագիր տուեր են։ Ինչպէս ասոր մասին կը տեղեկացնԷ «Արմենպրես»-ը՝ թէ Յունիսի 10-ին յայտներ Է Demiroren թրքական գործակալութիւնը:Գործակալութեան տեղեկատւութեան համաձայն, կարգադրագիրը միջազգային ուժ ունի:

«Հիւսիսային Կիպրոսի թրքական հանրապետութեան» «կառավարութեան» ղեկավար Էրսին Թաթարը դատապարտեր Է Նիկոսիոյ այդ քայլը՝ զայն համարելով անօրինական:

Անցեալ շաբաթ Թիւրքիոյ նախագահ Ռեջեպ Թայիպ Էրդողանը յայտարարեր Էր առափնեայ ծանծաղուտի հանքավայրերուն նկատմամբ կիպրաթիւրքերուն իրաւունքները պաշտպանելու իր երկրի պատրաստակամութեան մասին, ի հարկին զինուժերու միջոցով:  Թիւրքիան կը յայտարարԷ, որ հորատումը պիտի շարունակուի չորս ամիս՝ մինչեւ Սեպտեմբերի 3-ը:

Input your search keywords and press Enter.