Հաւանական է, որ վերականգնուի Կիլիկիոյ հայկական Օշինի դղեակը

Արեւմտեան Հայաստանի Մերսին նահանգի Չամլըյայլա գաւառին մէջ աւերակ վիճակի մէջ գտնուող Կիլիկիոյ հայկական Օշինի դղեակը (թիւրք. անուանումը` Սինապի ամրոց) վերականգման կարիք ունի: — Ասոր մասին կը հաղորդէ թրքական «Դողան» լրատուական գործակալութիւնը:

Աղբիւրի փոխանցմամբ` սոյն հայկական միջնադարեան դղեակը 10-րդ և 11-րդ դարերուն հայերու կողմէ գործածուեր է պաշտպանական նպատակներով, սակայն ներկայիս աւերակուած վիճակ ունի: Տեղի բնակիչները կ՛անհանգստանան, թէ դղեակը շուտով ամբողջովին կրնայ վերանալ:

Աղբիւրի փոխանցմամբ` Թիւրքիոյ քաղաքացիները կը պահանջեն վերականգնել զայն` զբօսաշրջութիւնը զարգացնելու նպատակով: Այսպէս, Անկարայէն Ադանա այցելած քաղաքացի մը նշեր է. «Ամրոցը ողբալի վիճակի մէջ կը գտնուի: Երեխաներս ցանկացան տեսնել զայն, բերի զիրենք, բայց լրիւ քանդուած է: Կը վախնամ ներս մտնելէ: Կ՛անհանգստանամ, որ երեխաներուս վրայ կրնայ քար իյնալ»:

Ընտանեօք հանդերձ ամրոցը տեսնելու եկած մէկ ուրիշ զբօսաշրջիկ ալ պահանջեր է, որ վերանորոգման աշխատանքները հնարաւորին չափ շուտ սկսին։

 

Input your search keywords and press Enter.